Yasowa 7:21 - ALLALA KUMƐ

²¹ N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

Yasowa 7:21 ပူးပေါင်းရင်းမြစ်များ

Ko-Dabirɛnu 10:10

Ale Nimirɔdi ya so-karantan sawɛ datɛgɛ Babilɔn nyamanɛ rɔ, Babɛli wo, Ɛreki wo, anubɛ Akadi.

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

Ko-Dabirɛnu 34:27

Yakobala dan toe wonu tara furi wonu bolo-fannu bi kamasɔrɔn nyɔ-mansɛla dan ara anu tirisan-musi lamiliya.

2 Samuwɛli 11:2

Lunyɛ do wura dɛ fɛ, Mansa Dawuda ya a lasɔ kinɔgɔ rɔ. A tara sɔ ala san-bɔn kuma. A ye nyɔ tumɛ min, a ya musi do yen, a ye a kula. Musi wo kin dɔgɔma-ma-de!

2 Mansɛnu 7:8

Kunato nanɛ wonu ke Siriyanuna dagɛ dan la, anu donta fani-bon kelen na. Anu ya fan dɔn furr! Wo kɔma, anu ya wodi-gbɛ anubɛ sɛnɛ anubɛ kurɛ minnu taran nyɔ, anu ya wonu bi. Anu tara wonu dogon. Wo kɔma, anu tara tun ka don fani-bɔn do la tun. Anu ya fan donu bi nyɔ rɔ ka ta wonu fanan dogon.

Yobu 31:1

N bara lanyiri kiri nun ko n yɛ kana bɔ sunkurɔn la.

Yaburi 119:37

N miriya bɔ ko-fuyinu ko. Nyimaya n ma iko i wara n yili-madiya nya min.

Bɔ-Koe-Iyipiti 20:17

“Mɔgɔ kana a niyi sa a sigi-nyɔgɛ bolo-fan kuma iko bon wo, musu wo, yɔɔn wo, anubɛ kolo-fen.”

Hɛnkilimaya-Kumɛnu 1:19

Kankan tɔgɔ si to kankanyɛ le la. Karagbɛlɛnu fanan si ban wo nya na le.

Hɛnkilimaya-Kumɛnu 23:31

Hali gbɛɛ wo ye a labɔla wose-wose ka kanfa, ado a min-koe ma gbɛlɛ, a kana i yɛ sɔgɔ a la ha a sɔgɛ ni i bira.

Hɛnkilimaya-Kumɛnu 28:22

Mɔgɛ min bi hɔnna a nyɛrɛ la alako a ni wodi sɔrɔn tiriya, a ma a lɔn ko bolo-kolonyɛ ye a makɔnɔna yarɔ.

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 12:2

Fan min dogonnɛ, wo si bɔ gbɛ ma. Gbundu-koe bɛɛ si na lɔn.

Ɛfɛsa 5:3

Yɛlɛnyɛ wo, ko-kɔsɔnɛ wo, wasabɛlitayɛ wo, a ma bɛn, wo do-wo-do ni taran wole Allata mɔgɛnu tɛma.

Ɛfɛsa 5:5

Wo ni a lɔn serr, ko yɛlannu anubɛ sɔn-yogoma-tiginu anubɛ wasabɛlɛnu ti fenfen sɔrɔn Kirasiti anubɛ Allata mansayɛ rɔ. (Wasabɛlɛnu sa Alla batola fɔ anu bi nyinina minnu ma.)

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

Yasowa 7:20

Ekan ya a yabi ko, “Tonyɛ le. N bara hakɛ kɛ Isirɛlata Mari Alla la. N ya min ma, wo le kɛ la.

Yasowa 7:22

Yasowa ya mɔgɛnu nata tiriya ka duruki anubɛ sɛnɛ sanɛ yen wodi-gbɛ kuma Ekanla fani-bɔn la.

2 Pita 2:15

Anu bara kila-telennɛnu boloka, ha kilɛ wo ara to-a-rɔ anu ma. Anu bara bila Beyorila den Belamta kilɛ fɛ bawo wo duruta wodi sɔrɔnna ala ko-yogoma-kɛ le tɔ,