Yasowa 7:11 - ALLALA KUMƐ

¹¹ Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.

Yasowa 7:11 ပူးပေါင်းရင်းမြစ်များ

2 Mansɛnu 18:12

Samariya soe kasarata bawo Isirɛla mɔgɛnu ya hakɛ kɛ anuta Mari Alla la. Min sanɛ wo kuma, anubɛ Mari sarata min ma, anu ya wo tinya. Marita wɔli-kɛla Musa nyɛrɛ ya tɔn min bɛɛsi di anu ma, anu ya wonu tinya. Anu ma anu tole masɔ ka tɔn wonu bira.

2 Mansɛnu 5:24

Nɛbi Ilaisa siginɛ kɔnkɛ min kuma, dunu-bilɛ wonu kenɛ wo kɔrɔ, Kɛhasi ya dunɛ wonu bi ka ta anu na bɔn la. A ya Neyamanna wɔli-kɛlɛ wonu nasɛgi.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Hoseya 6:7

“Sarama-kan min bi wole anubɛ nde, Mari tɛma, wo ya wo tinya tiriya iko ma benba Hadama ya a ma nya min.

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.

Habakuku 2:6

Mɔgɔ-biranɛ wonu si anu biralɛ wonu mayɛlɛn. Anu si a fɔ ko, “Wo halala ma minnu na, wo si wonu bi kɔnɔ wo ye nala wota nondɔn sɔrɔnna le. Wo si wo fara mɔgɛnu bɔnɔna kɛwuyɛ la tumɛ nyamintan?”

Sakaraya 5:4

Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Matiyu 22:21

Anu ya a yabi ko, “Romu nyamanɛ kun-tigi-ba.” Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

Tɔn-Fɔɛ-Fila-Nyɔgɛ 17:2

“Mari ye nala lanyiri-nyamanɛ min dila wo ma, wo wa ban wo sigi-bole rabɛnna nyɔ, bɛsɛ wo, tele wo, lole wo, karɛ wo, ni mɔgɛ do ya wo fenfen kɔ wo tɛma nyɔ, wo tigi ara hakɛ kɛ Mari la ka ata tɔn anubɛ lanyiri tinya min bi ale anubɛ wole tɛma.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:10

Mari ya a fɔ Yasowa ye ko, “I lasɔ. I sanɛ dugu ma nfenna?

Kɛlɛ-Kurugbɛnu 2:20

Mari fonde si na bɔ tun ka a fɔ ko, “Mabɛ anu benbanu sarata min ma, mɔgɛ kɛnu bara anutɛ wo tinya.

1 Samuwɛli 14:38

Mansa Sɔli ya a fɔ kɛlɛ-den-kun-tiginu ye ko, “Wo na, ma ni koe kɛ fɛsɛfɛsɛ. Ma ni a lɔn ma ara hakɛ min kɛ bi.