Yasowa 7:1 - ALLALA KUMƐ

¹ Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:1 ပူးပေါင်းရင်းမြစ်များ

Ko-Dabirɛnu 34:27

Yakobala dan toe wonu tara furi wonu bolo-fannu bi kamasɔrɔn nyɔ-mansɛla dan ara anu tirisan-musi lamiliya.

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

2 Mansɛnu 5:24

Nɛbi Ilaisa siginɛ kɔnkɛ min kuma, dunu-bilɛ wonu kenɛ wo kɔrɔ, Kɛhasi ya dunɛ wonu bi ka ta anu na bɔn la. A ya Neyamanna wɔli-kɛlɛ wonu nasɛgi.

1 Ko-Kɔrɔta-Karan 21:7

Mansa Dawuda ya min ma wo la, wo ma diya Alla ye. Wo le ya a ma, Alla ya Isirɛla mɔgɛnu tɔrɔ.

2 Ko-Kɔrɔta-Karan 24:18

Mɔgɛnu ya anu ban anu benbanuta Mari Alla bato-koe ma Bato-Bɔn wo la. Anu donta bɛsi-kɔ-koe rɔ anubɛ bɛsɛ min nadannɛ musila muninyɛ la anu bi min kelela Asura. Ka a tɛgɛ anu sɔn-yogomɛ wola ko ma, Alla fonde bɔra Yerusalɛm so-burɔ-mɔgɛnu anubɛ Yuda nyamanita-mɔgɛnu kuma.

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Yobu 35:8

I hakɛ ye i hadama-den-nyɔgɛnu denu tɔrɔla dɔrɔn. I ya ko-nyima wo ko-nyima ma, wo tɔnɛ si to wonu denu ye.

Makawandili Kumɛnu 9:18

Hɛnkilimayɛ fisa kɛlɛ-kɛ-miran-siyamɛ ko kɔnɔ ko-yogoma-kelen si ko-nyima-siyaman tinya.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Saraka-Masɔlɛnuta Tɔnnu 10:6

Musa ya a fɔ Aruna anubɛ ala den-kemini-to filɛ Ɛliyasa anubɛ Itamarayi ye ko, “Wo kana wo kunya-rabɔbɛlɛ to. Wo kana wola durukinu tafara yisi-tinya bolo alako ka a yira mɔgɛnu na ko wo ye dila. Ni mɔgɛnu ya a lɔn ko wo yisi magboyanɛ, wo si faga. Mari si diminya Isirɛla mɔgɛ bɛɛsi ma fanan. Mari nyɛrɛ le ya a ma, tɛ bɔra san ma ka anu faga. Ni di-kɛ-sɔgɛ ye wo ta-nyɔgɛ Isirɛla mɔgɛ toenu na, tana ma wo la.

Yona 1:7

Kulun-tawɔli-kɛlɛnu ya a fɔ ko, “Ma ni korɔn lakɛ ma nyɔgɔn tɛma wona ka a lɔn ni min gbɛ le tɔrɔyɛ kɛ la.” Anu ya korɔn lakɛ min kɛ, a ya Nɛbi Yona bira.

Yasowa 22:18

Wo ye a fɛ ka wo kan-kɔ sɔ Mari la kaka, wa? Ni wo ya wo ma, wati do si na a si diminya ma dama ma.

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”