Yasowa 6:23 - ALLALA KUMƐ

²³ Anu nara Rehabi la anubɛ a fa ani a na anubɛ a na-kelen-nyɔgɛ bɛɛsi. Anu ya anu to Isirɛla dagɛ kɔma.

Yasowa 6:23 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 18:24

Ni mɔgɔ-telennɛ bi-loli si taran soe wo burɔ, i si soe wo halaki, wa? Mɔgɔ-telennɛ bi-loli minnu bi nyɔ, i ti kan tinɛ wo to nyɔ wonuna ko la, wa?

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Yilan-Yilan Koe 31:19

Wole minnu ya mɔgɛ faga kɛlɛ rɔ, anubɛ minnu ya anu bole tugu mɔgɔ-faganɛnu na, wonu ni to dagɛ kɔma. A tele sawɛ anubɛ a tele wɔrɔnfilɛ kɔrɔ, wonu ni sɛninya iko tɔn ya a fɔ nya min. Hali wo ya musi minnu bi wo nyɛrɛ ye fanan, wole damasi ni wo sɛninya iko tɔn ya a fɔ nya min.

Kɛwɔlɛnu 10:28

A ya a fɔ anu ye ko ala Yahudiya-dinala ko la, a kana sibolo-gbɛrɛnu kɔndɔn, ado a kana ta-nyɔgɔnyɛ kɛ anu fɛ. Kɔnɔ Alla ara a yira a la ko a kana a miri mɔgɔ-wo-mɔgɔ ma ko mɔgɔ-sɛninyani ma, a kɔsɔnɛ.

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

1 Kɔrɛnti 5:12

Ka mɔgɔ-gbɛrɛnu kiti, nta wɔli ma wo la! Alla le si wonu kiti. Ka kiti tɛgɛ wo nyɔgɔn tɛma chɔchi burɔ, wota wɔlɛ le wo la. Iko a sɛbɛnɛ Allala kitabu rɔ nya min ko, “Wo ni ko-yogoma-kɛlɛnu nabɔ wo tɛma.”

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Hiburunu 11:31

Hali minnu ma Allala kumɛ bira Yɛrikɔ soe burɔ, musu-yɛlɛn Rehabita dɛnkɛninyɛ ya a ma, a ma faga wonu fɛ bawo a ya Isirɛla ko-lakɔrɔsilɛnu tabira.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Yasowa 2:13

Wo kɔma, fɔ wo ni lanyiri kiri n ye ko wo si n fa anubɛ n na lakisi anubɛ n kɔrɔnu anubɛ n dɔgɛnu anubɛ nna kebilɛ bɛɛ. Wo ni a fɔ ko wo wa na wati min, wo si ma lakisi.”

Yasowa 2:16

a ya a fɔ anu ye ko, “Wo ni ta wo dogon kɔnkɛnu tɛma. Ni wo ma, wo sagarannɛnu si wo bira. Wo ni wo dogon nyɔ tele sawa kɔrɔ. Wo kɔma, wo sagarannɛnu ba sɛgi, wo ni ta wo warɛ.”

Yasowa 2:18

Kɛ kɔma, i si min ma, ma wa na soe kɛ kɛlɛ tinɛ tumɛ min, i ya ma layigi yili-kolo-wulan min na kɛ la, i ni wo kiri a gbɛ rɔ. Ile wo, i fa wo, i na wo, i kɔrɔnu anubɛ i dɔgɛnu wo, wo bɛɛsi la ni dɛn bɔn kɛ la.

Kɛlɛ-Kurugbɛnu 1:25

Kei wo ya kilɛ yira anu na. Bɔnsɔn filɛ wonu tara mɔgɛ damasi faga soe wo burɔ kɔnɔ anu ya kei wonubɛ ala denbayɛnu boloka.