Yasowa 6:21 - ALLALA KUMƐ

²¹ Kɛlɛ-dannu ya soe bira-a-la ka mɔgɛnu faga faan la, kei wo, musu wo, anubɛ anuna dennɛnu. Anu ya kolo-fan fanan bɛɛ faga.

Yasowa 6:21 ပူးပေါင်းရင်းမြစ်များ

1 Mansɛnu 20:42

Nɛbi wo ya a fɔ mansɛ ye ko, “Mari ko bawo ale ya a fɔ i ye ko i ni mɔgɛ min faga, ile ara wo kɛndɛ boloka, wo ara ta, Mari ko fɔ i wa faga mɔgɛ wo gbɛ rɔ. Min sanɛ wo kuma bawo ila kɛlɛ-dannu bara anu yogenu kɛndɛ boloka, Mari ko fɔ ila kɛlɛ-dan wonu ba kasara pɔ!”

Yɛrɛmaya 48:18

Wole min siginɛ Dibon soe burɔ, wo si yigi ka bɔ wola gbiliya-tinɛ rɔ ka na sigi gbangban rɔ. Mohabu nyamanɛ kasaralɛ ye yan. Dibon so-latankanɛ kasaranɛ si to.

Tɔn-Fɔɛ-Fila-Nyɔgɛ 13:16

Wo si mɔgɛ wonu bolo-fannu nadɛn soe tɛma kan-tina-kelen. Wo si soe anubɛ fan wo damasi mintan. Wo mani de Mari yala iko saraka-mintantɛ. Wo kana soe wo sɔ tun. A si ma tonbɔn la.

Tɔn-Fɔɛ-Fila-Nyɔgɛ 2:34

Ma ya anuna soe bɛɛ bira-a-la ka anu halaki, kei wo, musu wo, den wo. Mɔgɔ-wo-mɔgɔ ma to a niyi la. Ma ya anu nato dogbe!

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Yasowa 10:28

Wo banda kɛ, Yasowa ya Makida mansɛ bira ka soe wo mɔgɛ bɛɛ faga. Mɔgɔ-wo-mɔgɔ ma to a niyi la. Iko a ya a ma Yɛrikɔ mansɛ la nya min, a ya wo le fanan ma Makida mansɛ la.

Yasowa 10:39

ka soe wo mansɛ anubɛ a dafɛ-so-mɔgɛnu bira ka anu faga. Yasowa ya a ma Diba mɔgɛnu anubɛ anuna mansɛ la iko a ya a ma Hiburɔn anubɛ Libina mɔgɛnu anubɛ anuna mansɛnu na nya min.

Yasowa 11:11

Anu ya soe wo mɔgɛ bɛɛsi faga ka so-kun kelan wo mintan gburr!

Yasowa 11:14

Isirɛla mɔgɛnu ya fen-nyimɛ bɛɛ bi anu nyɛrɛ ye anubɛ kolo-fannu kɔnɔ anu ya nyɔ-mɔgɛ bɛɛ faga.

Yasowa 8:2

Iko wo ya Yɛrikɔ halaki nya min anubɛ a mansɛ, wo ye a mala fanan Eyai la wo nya le. Kɔnɔ kɛ wati rɔ, wo si fen-nyimɛ bɛɛ mara wo nyɛrɛ ye anubɛ a kolo-fannu. Wo rabɛn kaka ka ta Eyai soe bira-a-la. Wo ni bɔ soe kɔma ka anu natɛrɛna.”

Yasowa 8:22

Isirɛla kɛlɛ-dan minnu bi soe wo burɔ, wonu nara fanan ka Eyai mɔgɛnu faga. Eyai mɔgɛnu ya a yen ko anu namininɛ kɛlɛ la. Isirɛla mɔgɛnu ya Eyai mɔgɛ bɛɛ faga

Yasowa 9:3

Kɔnɔ Hefa do minnu bi Kibiyon soe burɔ, wonu ya a lamɔɛn min bara ma Yɛrikɔ anubɛ Eyai soenu na Yasowa bolo tumɛ min,

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 15:8

A ya anuna mansɛ bira min tɔgɛ Ekaki kɔnɔ a ya Amalɛki mɔgɛ wonu damasi faga tɛrr!