Yasowa 6:2 - ALLALA KUMƐ

² Mari ya a fɔ Yasowa ye ko, “N si Yɛrikɔ mɔgɛnu don wo bolo anubɛ a mansɛ anubɛ a kɛlɛ-kɛla-wɛnu.

Yasowa 6:2 ပူးပေါင်းရင်းမြစ်များ

2 Samuwɛli 5:19

Mansa Dawuda ya Mari manyinika, a ko, “Ni n tara Filisitinu kɛlɛ tinɛ, n si anu nɔ, wa?” Mari ko, “Ɔn, n si a ma, i ni anu nɔ.”

Nihɛmaya 9:24

Wo kɔma, anu ya Kenan nyamanɛ bi, ado mɔgɛ min siginɛ nyɔ, anu ya wonu nɔ bɛrɛbɛrɛkɛ! I ya a ma, ila mɔgɛnu ya Kenan nyamanɛ nɔ-fanka sɔrɔn wo kɔma, ka anu sakorɔ-koe kɛ anubɛ anuna mɔgɛnu na.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Tɔn-Fɔɛ-Fila-Nyɔgɛ 7:24

Mari si a mansɛnu don wo bolo ka anu faga. Anu tɔgɛ ra si de ka tunu yen! Mɔgɔ-wo-mɔgɔ ti ke kilɛ tɛgɛla wo ma. Wo si anu dama faga tɛrr!

Yasowa 12:9

So-mɛsɛ minnu bi nyamanɛ kɛ rɔ, wonu tɔgɛ le kɛnu na, Yɛrikɔ, Eyai min bi Bɛtɛli soe dafɛ, Yerusalɛm, Hiburɔn, Yaramuti, Lesi, Ɛkilɔn, Kisari, Diba, Kida, Hɔrima, Aradi, Libina, Adulam, Makida, Bɛtɛli, Tapuwa, Hɛfa, Afɛki, Lasarɔn, Medon, Hesɔ, Simirɔn-Mɛran, Akasafa, Teyanaka, Magidɔ, Kidɛsi, Yakanayim min bi Kamɛli wara la, Dɔɔ min bi kɔgɔ-yi dafɛ, Koyim min bi Kalili nyamanɛ rɔ anubɛ Tirisa. Soe kɛnu bɛɛsi anubɛ a mansɛ bɛɛ halakira Yasowa anubɛ Isirɛla mɔgɛnu bolo. A bɛɛ lakofunɛ mansa bi-sawa ani mansa kelen (31).

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Yasowa 20:1

Mari ya a fɔ Yasowa ye ko, “I ni a fɔ Isirɛla mɔgɛnu ye ko anu ni soe donu yabɔ mɔgɛnu si kisi kan min iko n ya a fɔ Nɛbi Musa ye nya min fɔlɔn.

Yasowa 6:1

Yɛrikɔ mɔgɛnu ya tarɛ dɛ latogon bawo anu kilannɛ Isirɛla mɔgɛnu na. Mɔgɔ-wo-mɔgɔ ma ke bɔla, mɔgɔ-wo-mɔgɔ ma ke donna.

Yasowa 6:3

Wobɛ ila kɛlɛ-dannu, wo ni soe lafoo kinyama kelen tele-wo-tele, tele wɔrɔ kɔrɔ.

Yasowa 8:1

Mari ya a fɔ Yasowa ye ko, “Ila kɛlɛ-dannu bi ka ta Eyai kɛlɛ tinɛ. I kana kilan. I yisi gbɛlɛya ka i sɛbɛ don. N si sɛnbɛ di i ma Eyai mansɛ kuma. Ala mɔgɛnu anubɛ ala soe anubɛ ala dugi bɛɛ si ma wotɛ la.

Kɛlɛ-Kurugbɛnu 11:21

“Kɔnɔ Isirɛla mɔgɛnuta Mari Alla ya a ma, anu ya Mansa Saihɔn anubɛ ala kɛlɛ-dannu nɔ ka Amoranuna nyamanɛ bi anu bolo.

Kɛlɛ-Kurugbɛnu 11:24

Wola bɛsɛ min tɔgɛ Kimɔsi, wo ara nyamanɛ min bɛɛ di wo ma, wo ti wonu namara wo nyɛrɛ ye, wa? Mata Mari Alla ara minnu di male fanan ma, ma ti wonu namara ma nyɛrɛ ye?