Yasowa 6:17 - ALLALA KUMƐ

^17-19 Yasowa ya Mari kuman-kan latenbi mɔgɛnu ma nun ko, “Yɛrikɔ wa halaki tumɛ min, fan bɛɛ si ma Maritɛ la. Rehabi anubɛ ala mɔgɛ minnu bi ala bɔn la, wonu dɔrɔn si kisi bawo ale Rehabi ya Isirɛla mɔgɔ filɛ wonu nakisi minnu tara so lakɔrɔsi tinɛ. Wo kana fenfen bi wo nyɛrɛ ye. Ni wo ya wo ma, wo si tɔrɔyɛ lana Isirɛla mɔgɛnu kuma. Fan minnu nadannɛ wodi-gbɛ anubɛ sɛnɛ la anubɛ silɛɛ anubɛ nɛgɛ-dogbɛrɛnu na, wo bɛɛ ni di Mari ma ka to Marita fen namara tinɛ rɔ.”

Yasowa 6:17 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ɛsira 10:8

Ni min ma na yanni tele sawa kɔrɔ, anu si wo bolo-fan bɛɛ toronde a la iko mɔgɔ-banu bara a latɛgɛ nya min. Wo kɔma, wo tigi ma si gboya.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Isikiyɛli 39:17

N Tigi Mari ya a fɔ n ye ko, “Ile hadama-dan, i ni konanu anubɛ firarɔ-sogenu kele alako n bara sarakɛ min bɔ anu ye, anu ni na wo dɔn-tinɛ. Wo si ma ladiya-ba la anu ye Isirɛla kɔnkɛnu tɔ. Anu si to soge dɔnna ka a yele min.

Saraka-Masɔlɛnuta Tɔnnu 27:21

Hali Mɔgɔ-Halala-Fan-Lasɛgi-San wa ke, a tigi ti dugi wo sɔrɔn tun. Dugi wo si ma Maritɛ la kɔnɔ saraka-masɔlɛnu si to a wɔlila.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

1 Kɔrɛnti 2:7

Kɔnɔ n bi hɛnkili min nabɔla, Allala gbundu-ko-hɛnkili le wo la, min dogonnɛ mɔgɛnu ma kɔrɔma la, ado yanni duninya ni dan, Alla ara ban a latɛgɛla nun ko hɛnkili wo si gbiliyɛ lana ma ma.

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Kalesiya 3:12

Dɛnkɛninyɛ mako sa tɔn wara-koe la. Iko a sɛbɛnɛ Allala kitabu rɔ nya min ko, “Ni min si tɔn mumɛ bɛɛ bira, wo tigi si nimayɛ sɔrɔn tɔn-birɛ wo fɛ.”

Tɔn-Fɔɛ-Fila-Nyɔgɛ 20:17

Wo si anu faga ka anu nato dogbe! Hɛtinu wo, Amoranu wo, Kenannu wo, Pɛrasanu wo, Hefanu wo, anubɛ Yebusinu, wo si anu damasi faga tɛrr, iko Mari ara a fɔ wo ye nya min.

Hiburunu 11:31

Hali minnu ma Allala kumɛ bira Yɛrikɔ soe burɔ, musu-yɛlɛn Rehabita dɛnkɛninyɛ ya a ma, a ma faga wonu fɛ bawo a ya Isirɛla ko-lakɔrɔsilɛnu tabira.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Yemesi 2:25

Yɛlɛn-musi, Rehabi don! Wo fanan mara wo nya na le. A telenta Alla ye ala kɛwɔlɛnu denu fɛ bawo a ya Yahudiyanuna ko-lakɔrɔsilɛnu rabira a kin na ka anu nasɛgi kila-gbɛrɛkɛ fɛ.

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 2:22

Mɔgɔ filɛ wonu tara kɔnkɛnu tɛma ka anu dogon nyɔ. Anu sagarannɛnu tara anu nyini tinɛ tele sawa kɔrɔ nyamanɛ wo rɔ kɔnɔ anu ma anu yen. Wo kɔma, anu sɛgira Yɛrikɔ soe burɔ.

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 15:6

A ya kilayɛ lata Kena mɔgɛnu ma minnu siginɛ Amalɛkinu tɛma ko, “Wo ni wo bɔ Amalɛkinu kurun tɔ alako wo dama kana faga wo nyɔgɔn fɛ.” A ya wo fɔ bawo Isirɛla mɔgɛnu bɔra Iyipiti tumɛ min, Kena mɔgɛnu denu ya ko-nyimɛ kɛ anu benbanu ye. Woletɔ Kena mɔgɛnu ya anu bɔ anu kurun tɔ.