Yasowa 6:1 - ALLALA KUMƐ

¹ Yɛrikɔ mɔgɛnu ya tarɛ dɛ latogon bawo anu kilannɛ Isirɛla mɔgɛnu na. Mɔgɔ-wo-mɔgɔ ma ke bɔla, mɔgɔ-wo-mɔgɔ ma ke donna.

Yasowa 6:1 ပူးပေါင်းရင်းမြစ်များ

2 Samuwɛli 10:5

Mansa Dawuda ya wo lamɔɛn min kɛ, a ya mɔgɛ donu nata wonu nabɛn tinɛ, Amonnu bara minnu namiliya wo la. A ya a sara anu bara, a ko anu ni to sigini Yɛrikɔ ha anu buyɛ ni bɔ tun. Wo kɔma, anu ni na to nala Yerusalɛm.

2 Mansɛnu 17:4

Kɔnɔ san do la, Mansa Hoseya ya kilayɛ lata Iyipiti mansɛ ma Sasi soe burɔ alako wo ni na a dɛnbɛ kɛlɛ la. San wo nyɛrɛ la, a ma sɔn a kunka-fen-wo-fenfen latala Asiriya mansɛ ma. Mansa Salamanisa ya wo lɔn min kɛ ko Mansa Hoseya ye a yanfa tinɛ le, a ya a ma, anu ya ale Mansa Hoseya bira ka a ladon yele la.

2 Mansɛnu 2:4

Nɛbi Ilaya ya a fɔ Nɛbi Ilaisa ye tun ko, “To yan, Mari wara n nata Yɛrikɔ.” Kɔnɔ a ko, “N bara n keli wobɛ Mari-nimɛ ye, n ti to yan!” Wo le mara anuna tɛ la Yɛrikɔ.

Yaburi 127:1

Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

Yasowa 18:21

Soe minnu dira Bɛnyamɛ bɔnsɔn ma, wo le kɛnu na, Yɛrikɔ, Bɛti-Hɔgala, Ɛmɛki-Kisisi,

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 2:7

Mansɛla kilayɛnu bɔra soe tumɛ min, mɔgɛ do ya tarɛ dɛ latogon anu kɔma. Kilayɛnu tara Isirɛla mɔgɛnu sagaranna ha ka ke Yorodan bɛ ma.

Yasowa 5:15

Marila kɛlɛ-den-kun-tigi ya a fɔ a ye ko, “Ila sanbarɛ bɔ i kian rɔ. I sɔnɛ kan min wo la, dugu-sɛnimɛ le wo la.” Yasowa ya a ma iko kei wo ya a fɔ a ye nya min.

Yasowa 6:2

Mari ya a fɔ Yasowa ye ko, “N si Yɛrikɔ mɔgɛnu don wo bolo anubɛ a mansɛ anubɛ a kɛlɛ-kɛla-wɛnu.