Yasowa 5:13 - ALLALA KUMƐ

¹³ Yasowa gbɛrɛnta Yɛrikɔ ma tumɛ min, a ya mɔgɛ do yen sɔnɛ a yakɔrɔ, faan ye a bole tɔ. Yasowa tara a wara la ka a fɔ a ye ko, “I ye male le fɛ, ka, ma kɛlɛ-nyɔgɛ le ile la?”

Yasowa 5:13 ပူးပေါင်းရင်းမြစ်များ

Ko-Dabirɛnu 18:1

Tele latelan wati, Iburayima siginɛ ala fani-bɔn dɛ la Mamireta kɔlɔma-latankanɛnu kɔrɔ, Mari bɔra a ye gbɛ rɔ. A mara nya min, wo le kɛ la.

Ko-Dabirɛnu 18:2

A ya a yɛ lata ka kei sawa sɔnɛ yen wulɛ la. A ya anu tagbɛ tumɛ min, a burimatoe bɔra fani-bɔn la ka anu nabɛn. A ya a laburun a ma dugi ma anu kɔrɔ.

Ko-Dabirɛnu 28:16

Yakoba kundenta, a ko, “Yaga, Mari ye yan nun kɔnɔ n ma wo lɔn?”

Ko-Dabirɛnu 33:1

Yakoba ya Isɔ anubɛ kei mɔgɔ kɛmɛ nani yen nala tumɛ min, a ya ala dan bɛɛsi lata anu nanu ma, Liya anubɛ Resɛli anubɛ anuna solo-dununa filɛ, kɔni.

Ko-Dabirɛnu 33:5

Isɔ ya a yɛ lata a dɔgɛ kɔma kilɛ la ka musu-nyama anubɛ den-siyamɛ kɛnu mafɛlɛn, a ko, “Yakoba, yonna mɔgɛ ye kɛ damasi la?” Yakoba ko, “Alla le ya ko-nyimɛ kɛ n ye ka dan kɛ dama di nde, ila wɔli-kɛlɛ ma.”

1 Ko-Kɔrɔta-Karan 12:22

Tele-wo-tele, kɛlɛ-dannu si na kofu Dawudala kɛlɛ-dannu ma ha ala kɛlɛ-dannu siyayara iko Allata kɛlɛ-kɛlɛnu siya nya min.

1 Ko-Kɔrɔta-Karan 21:27

Mari ya a fɔ niyi-bɔ-melika wo ye ko a ni ala faan don a lɛɛ rɔ. A ya wo ma.

1 Ko-Kɔrɔta-Karan 21:30

Mansa Dawuda ma fɛrɛ sɔrɔn ka ta Mari matara nyɔ bawo a kilannɛ Marita melika wola faan la.

Bɔ-Koe-Iyipiti 23:23

Nta melika si ta wo yarɔ ka wo ladon nyamanɛ wo rɔ Amoranu anubɛ Hɛtinu anubɛ Pɛrasanu anubɛ Kenannu anubɛ Hefanu anubɛ Yebusinu bi kan min. Nde, Mari si ta wonu kasara.

Daniyɛli 10:5

N ya n yɛ lata ka melika sɔnɛ yen iko hadama-dan, linɛn-kurɛ bilanɛ a kan na, a buta kirinɛ sɛnɛ-hakikɛ la.

Daniyɛli 8:3

N ya n yɛ lata. N ya saga-yigi-sɔnɛ yen yi wo dafɛ. A kere-yan filɛ ye a kuma. Doi yan doi ko kɔnɔ a wurumɛ wo fɔlɔn bɔra. A yanmɛ bɔra ala ban la.

Sakaraya 1:8

N ya Marita melika yen siginɛ so-wulan la gbɔfɛ kuma lɛɛ rɔ, ado so sawa sɔnɛ a kɔma. Kelan wulennɛ. Kelan mapusennɛ. Kelan gbɛnɛ. A laburilɛ siginɛ so sawɛ wonu na.

Yilan-Yilan Koe 22:23

Melika sɔra kilɛ la faan biranɛ a bolo tɔ kɔnɔ sofɛlɛ le dɔrɔn ya a yen. A ya a yen nya min wo, a ya kila-kole masangba ka ta binyɛ rɔ. Woletɔ Belam ya gbeleka-kundi bi ka sofɛlɛ gbesi alako a ni na kila-kole la.

Yilan-Yilan Koe 22:31

Mari ya a ma, Belam nyɛrɛ ya melika anubɛ faan sɔnɛ yen kila-kole la, yɔ! Belam ya a sa dugi ma melika kɔrɔ.

Kɛwɔlɛnu 1:10

Anu yɛ gbalanɛ san ma tumɛ min, kei fila sɔra anu tɛma duruku-gbɛ donnɛ minnu kan na.

Yasowa 6:2

Mari ya a fɔ Yasowa ye ko, “N si Yɛrikɔ mɔgɛnu don wo bolo anubɛ a mansɛ anubɛ a kɛlɛ-kɛla-wɛnu.

Lankɛnimayɛ 1:13

N ya dali-fan do yen wonu tɛma min manɛ iko hadama-dan. Duruki ye a kan na min yiginɛ fɔɔ a kin-nɔlɔnɛ. Sɛnɛ-butɛ-kiri-fan kirinɛ a kɔgɛ ma.

Kɛlɛ-Kurugbɛnu 13:11

Manowa ya a lasɔ. A bilara ala musi fɛ ka kei wo taran. A ya a manyinika ko, “Ile le kumara nna musi la wulɔn?” A ko, “Ɔn.”

Kɛlɛ-Kurugbɛnu 13:22

Manowa ya a fɔ ala musi ye ko, “Ma ye fagala le serr, bawo ma ara Alla yen ma yɛ la.”