Yasowa 4:9 - ALLALA KUMƐ

⁹ Kuri minnu bɔra Yorodan ba-gbalanɛ tɛma saraka-masɔlɛnu sɔra kan min nun, Yasowa ya wonu sigi anu nyɔgɔn kuma. (Ha kaka, kuri wonu bi nyɔ.)

Yasowa 4:9 ပူးပေါင်းရင်းမြစ်များ

Ko-Dabirɛnu 26:33

A ya kɔlɔn wo tɔgɔ sa Biri-Siba. Wo kɔrɛ le, “Lanyiri-Kɔlɔn.” Woletɔ ha bi, soe wo tɔgɛ le Biri-Siba.

Ko-Dabirɛnu 28:18

Wo banda kɛ subagɛ ma, Yakoba ya kuru-kundi min ma kun-kɔrɔ-sɛ la, a ya wo bi ka a latelen. A ya tuli labɔn a ma alako ka a dantɛgɛ Alla ma.

1 Mansɛnu 18:31

A ya kuru tan-ni-fila bi ka wonu sɔ Yakobala den-kei tan-ni-filɛ tɔgɔ rɔ. (Mari ya Yakoba kɛ le tɔgɛ yɛlɛma nun ko Isirɛla.)

2 Ko-Kɔrɔta-Karan 5:9

Mɔgɛ tenbi bɔn don-dɛ wo burɔ, a si a bi-kɔlɔma wonu sungban yen Sɛnima-Sɛnima-Tinɛ rɔ bawo anu yan. Kɔnɔ ni mɔgɛ ye luyi ma, a ti ke anu yenna. (Ha bi, wonu bi nyɔ.)

Bɔ-Koe-Iyipiti 24:12

Mari ya a fɔ Musa ye ko, “Na n bara ka mɛ n fɛ kɔnkɛ kun tɛma yan. N si kuru-walan fila don i bolo nna tɔnnu sɛbɛnɛ minnu ma alako i ni mɔgɛnu karan wonu na.”

Bɔ-Koe-Iyipiti 28:21

Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.

Matiyu 27:8

Wo le ya a to, ha bi, anu bi dugi wo kelela ko, “Yele-Dugi.”

Matiyu 28:15

Kandannɛnu ya wodi wo bi. Anu ya a ma iko a fɔra anu ye nya min. Ha bi, kumɛ wo nyɛnsɛnnɛ Yahudiyanu tɛma.

Tɔn-Fɔɛ-Fila-Nyɔgɛ 34:6

Mari ya a togon fole do rɔ Mohabu nyamanɛ rɔ Bɛti-Piyɔri soe telen tɔ. Kɔnɔ ha bi, mɔgɔ-wo-mɔgɔ ma a lɔn yati, Mari ya Musa togon kan min.

Yasowa 24:26

Yasowa ya koe kɛnu sɛbɛ Marita tɔn-kitabu rɔ. A ya kuru-belebele-wɛ bi ka wo sigi kɔlɔma kɔrɔ Marita kan-tina-sɛnimɛ da kɔrɔ.

Yasowa 4:10

Saraka-masɔlɛ minnu bi tala tɔn-kenkirɛ la, wonu sɔnɛ tora Yorodan tɛma ha koe bɛɛ kanbalita iko Mari ya a fɔ Yasowa ye nya min anubɛ iko Musa fanan ya a fɔ nya min. Mɔgɛnu ya anu nakaliya bɛ tɛgɛla ka ta bɛ tɔnkɔn kelan rɔ.

Kɛlɛ-Kurugbɛnu 1:26

Kɔnɔ tɔ-a-la, kei wo yirindira Hɛtinuna nyamanɛ rɔ. A ya soe do datɛgɛ nyɔ ka a tɔgɔ sa Lusi. Ha kaka, anu bi soe wo kelela wo nya.

1 Samuwɛli 30:25

Dawuda ya wo ma tɔn la. Ka a bi wo wati ma ha ka a sigi kaka la, tɔn wo ye Isirɛla nyamanɛ rɔ.

1 Samuwɛli 7:12

Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”