Yasowa 4:24 - ALLALA KUMƐ

²⁴ Mari ya kɛ ma alako mɔgɛ bɛɛsi ni a lɔn ko sɛnbɛ-bɛɛ-tigi le ale Mari la. Woletɔ anu fanan ni to Mari Alla gbiliyala habadan!”

Yasowa 4:24 ပူးပေါင်းရင်းမြစ်များ

1 Mansɛnu 8:40

Woletɔ anu tenbi anu benbanuna nyamanɛ kɛ rɔ tumɛ min, anu si to i gbiliyala tele-wo-tele ka ila kumɛ bira.

1 Mansɛnu 8:60

Woletɔ duninya-mɔgɛ bɛɛ si a lɔn ko ale Mari le Alla la. Alla-gbɛrɛkɛ sa ale kɔma.

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

1 Ko-Kɔrɔta-Karan 29:12

Nɔnfuli anubɛ gbiliyɛ ye bɔla ile le bolo. Fan bɛɛsi ye ita mansaya-sɛnbɛ le kɔrɔ. Ile le si ke sɛnbɛ anubɛ tɔgɛ dila mɔgɔ ma.

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 89:13

I fanka kolo kati! Sɛnbɛ ye i kɔɛn rɔ dɔgɔma-ma-de!

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Bɔ-Koe-Iyipiti 14:31

Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Tɔn-Fɔɛ-Fila-Nyɔgɛ 28:10

Wo kɔma, duninya-mɔgɛ bɛɛ si a lɔn ko Allata mɔgɔ-yabɔnɛ le wole la. Anu si kilan wo la.

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.