Yasowa 4:19 - ALLALA KUMƐ

¹⁹ Kabana-koe kɛ bɛɛ mara anuta karɛ fɔlɛ, a tele tan ma. Karɛ wo tele tan nyɛrɛ ma, Isirɛla mɔgɛ bɛɛ ya Yorodan bɛ tɛgɛ. Anu ya anu daga makɛ kan min, anu ya wo tɔgɔ sa Kiligali, tele-yigi wara la Yɛrikɔ dafɛ.

Yasowa 4:19 ပူးပေါင်းရင်းမြစ်များ

2 Mansɛnu 2:1

Nba, Nɛbi Ilayala bi-wati gbɛrɛnnɛ Marila tɔnkɔlɔn bolo ka ta a la san ma, wo ya a taran, Nɛbi Ilaya anubɛ Nɛbi Ilaisa bɔmatoe Kiligali soe burɔ.

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Tɔn-Fɔɛ-Fila-Nyɔgɛ 1:3

Mansa filɛ min bi Amora mɔgɛnu kun na nun, mansa kelan wo tɔgɛ le Saihɔn. Wo siginɛ soe do rɔ min tɔgɛ Hɛsibɔn. Doi min tɔgɛ Ɔku, wo le ye Basan nyamanɛ kun na. A siginɛ soe do rɔ min tɔgɛ Asitɔra. Isirɛla mɔgɛnu ya Mansa Ɔku faga Ɛdiriya soe burɔ. Anu ya Mansa Saihɔn fanan faga wulɔn. Wo kɔma, Isirɛla mɔgɛnu tara anu sigi Mohabu nyamanɛ rɔ Yorodan bɛ dafɛ tele-bɔɛ wara la. Anu bɔɛ Iyipiti san bi-nani, karɛ tan-ni-kelan, a tele fɔlɔtɛ ma, Musa ya Marita kumɛ faranfasi anu ye nyɔ.

Tɔn-Fɔɛ-Fila-Nyɔgɛ 11:30

Kenan mɔgɛ donu siginɛ Yorodan bɛ kɔgɔma tele-yigi wara la Morela kɔlɔma-kuru-latankanɛ donu tɔgɔfɛ Kiligali soe wara la. Kɔnkɔ filɛ kɛnu bi mɔgɛ kɛnuna nyamanɛ rɔ.

Yasowa 10:43

Kɛlɛ kɛ bɛɛ banta tumɛ min, Yasowa anubɛ ala kɛlɛ-dannu bɛɛsi sɛgira Kiligali.

Yasowa 10:6

Kibiyon mɔgɛnu ya anu nakaliya ka kilayɛ lata Yasowa ma Kiligali ko, “Wo ni na ka ma dɛnbɛ kɛlɛ-kɛ-tinɛ alako ma ni kisi. Wo kana ma boloka! Wo ni ma dɛnbɛ bawo Amora mɔgɛ minnu bi kɔnkɔ-nyamanɛ rɔ, wonu bara kun kan kelen ma ka na ma kɛlɛ tinɛ.”

Yasowa 15:7

ka ke Nanparan fole ma ka yɛlɛ ha Diba soe ha ka ta ke Kɛlailoti kantɔ min yɛ lamununnɛ Adumim don-dɛ la Nanparan fole dugu la. Wo kɔma, dan wo tara ha ka ke Ɛnsimɛsi tenke ma ka bɔ Ɛnrogɛli soe ma

Yasowa 24:11

“Wo ya Yorodan bɛ tɛgɛ ka na Yɛrikɔ. Nyɔ-mɔgɛnu ya wo kɛlɛ. Amoranu wo, Perasanu wo, Kenannu wo, Hɛtinu wo, Hefanu wo, Kakasanu wo, anubɛ Yebusinu, wonu dama ya wo kɛlɛ fanan kɔnɔ ale Mari ko a ya nɔlɛ di wo ma wo bɛɛ kuma.

Yasowa 4:18

Woletɔ saraka-masɔlɛnu bɔra Yorodan bɛ tɛma Marila tɔn-kenkirɛ la anu bolo. Anu kera gbole ma tumɛ min, yi sɛgira a gbɛ rɔ anu kɔma wo wati nyɛrɛ rɔ iko a ye nya min nun.

Yasowa 5:10

Isirɛla mɔgɛnu bi Kiligali lɛɛ rɔ Yɛrikɔ da kɔrɔ tumɛ min, anu ya Kanan-Ko-Ladiyɛ kɛ anuna karɛ fɔlɛ tele tan-ni-nani wurɛ la.

Yasowa 9:6

Anu tara Isirɛla dagɛ rɔ Kiligali ka a fɔ Yasowa ye ko, “Ma bɔra nyamanɛ min tɔ, wo fɛ-yan alako wo ni lanyiri kiri ma ye ka a fɔ ko wo ti ma kɛlɛ.”

1 Samuwɛli 10:8

I si ta n yarɔ Kiligali soe burɔ. N ni i taran nyɔ. Ma si sarakɛnu mintan ka yisi-kima-sarakɛnu bɔ nyɔ ma nyɔgɔn fɛ. I ni n makɔnɔ nyɔ tele wɔrɔnfila kɔrɔ ha n ni na. N ba ke nyɔ tumɛ min, ile si min ma, nde si wo fɔ i ye.”

1 Samuwɛli 15:33

Kɔnɔ a ke Samuwɛli ma, wo ya a fɔ ale mansɛ ye ko, “Musi siyaman bara foo anuna dannu na ila faan la nya min, ile fanan, i na foonɛ si to ala dan la wo nya na le.” Samuwɛli ya Mansa Ekaki wo kundu bɔ saraka-mintan-tinɛ dafɛ Kiligali nyɔ.