Yasowa 3:5 - ALLALA KUMƐ

⁵ Yasowa ya a fɔ mɔgɛnu ye ko, “Wo ni wo nyɛrɛ sɛninya bawo Mari si kabana-koe kɛ ma tɛma sina.”

Yasowa 3:5 ပူးပေါင်းရင်းမြစ်များ

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yaburi 77:15

I ya ila mɔgɛnu kisi ila sɛnbɛ-wɛ la, Yakoba anubɛ Yusufu kegeyɛnu, kɔni.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Yowɛli 2:16

Wo wa ban mɔgɛnu nakundɛnna, wo ni anu sɛninya iko tɔn ya a fɔ nya min. Wo ni kinanu kele. Wao ni dennɛnu fanan kele. Hali minnu dɛ ye kinyɛ la, wonu fanan ni bɛn a rɔ. Hali kei min ban-san musi furula, wonubɛ ala musi ni anuna bɔn boloka ka na.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 20:7

Wo sɛninyanɛ ni to bawo ale le wota Mari Alla la min ya kɛ fɔ wo ye.

Yilan-Yilan Koe 11:8

Anubɛ duri si yigi dugi ma anuna dagɛ rɔ suyi rɔ. A wa yigi suyi rɔ, sɔgɔma, Isirɛla mɔgɛnu si a makɔ. Donu si a sii, donu si a bunden ka a ma munke la. Wo kɔma, anu si a mate iko dɛgɛ-lamondonɛ hali ka a ma dɛgɛ-yilannɛ la. Ala diyɛ manɛ le iko dɛgɛ, tuli ye min tɔ.)

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Yasowa 3:13

Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

Yasowa 3:4

Saraka-masɔlɛnu si kilɛ yira wo la bawo wo ma nyɔ lɔn. Kɔnɔ wo kana wo gbɛrɛn tɔn-kenkirɛ ma. Wula-yan ni to wobɛ tɔn-kenkirɛ tɛma.”

Yasowa 3:6

Yasowa ya a fɔ saraka-masɔlɛnu ye ko, “Wo ni tɔn-kenkirɛ bi ka ta mɔgɛnu yarɔ.” Anu ya a ma iko Yasowa ya a fɔ anu ye nya min.

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

1 Samuwɛli 16:5

Samuwɛli ya a fɔ ko, “Ade, n nara le dɔrɔn ka sarakɛ bɔ Mari ye. Wo ni wo nyɛrɛ sɛninya iko tɔn ya a fɔ nya min. Wo ni bila n fɛ.” A ya a fɔ Yɛsi anubɛ ala dannu ye wo nya na le fanan ka anu kele saraka-bɔɛ kuma.