Yasowa 3:16 - ALLALA KUMƐ

¹⁶ Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.

Yasowa 3:16 ပူးပေါင်းရင်းမြစ်များ

Ko-Dabirɛnu 14:3

So-tigi loli kɛnu bi Mansa Kɛdolama wo kɔrɔ san tan-ni-fila kɔrɔ. A san tan-ni-sawa nyɔgɛ ma, anu murutiyara Mansa Kɛdolama kɛ ma. So-tigi loli kɛnu ya anu kundɛn Sidin lɛɛ rɔ min tɔgɛ fanan Dalɛ Faganɛ.

1 Mansɛnu 4:12

Ahiludila den Beyana ye Teyanaka anubɛ Magidɔ soenu kun na. A ye Bɛti-Seyan sigisɔn-nyamanɛ kun na fanan min bi Saraten soe dafɛ, Yɛsɛreli soe dugula wara la. Ala sigisɔn-nyamanɛ wo le ye tala furr, ha ka ta ke Abɛli-Mɛhola soe anubɛ Yokameyam soe ma.

1 Mansɛnu 7:46

A ya silɛɛ wonu nalee sulubondɔn la Yorodan-ba-lɛɛ rɔ Sukɔti soe anubɛ Sarati soe tɛma. A ya miran kɛ bɛɛsi ladan nyɔ le.

Yaburi 114:3

Anu yen Kɔgɔ-Yi-Wulan bolo, yi wo ya a buri anu kɔrɔ. Yorodan bɛ sɛgira a kɔma.

Yaburi 114:5

Nfen ya a ma, ile Kɔgɔ-Yi-Wulan ya i buri? Nfenna ile Yorodan bɛ sɛgira i kɔma?

Yaburi 29:10

Mari le fan bɛɛ kun na hali kɔgɔ-yi. A si to mansayɛ la burubukai!

Yaburi 33:7

A ya kɔgɔ-yi ladɛn daga kelen tɔ. A ya kɔgɔ-yi-dumɛ balan iko mɔgɛ wa fui-fan kɛ bondɔn rɔ.

Yaburi 66:6

A ya kɔgɔ-yi gbala a worɔn la ha ma benbanu banta tenbila. Anu ke yi kɔgɔma, anu sewara dɔgɔma-ma-de bawo Mari ara min kɛ anu ye.

Yaburi 74:15

I ya a ma, yi-nɛnu anubɛ tenkenu tugura a rɔ. I ya bɛnu gbala anu worɔn la todo!

Yaburi 77:19

Kilɛ sanɛ i bolo kɔgɔ-yi-dumɛ tɛma kɔnɔ mɔgɔ-wo-mɔgɔ ti i kin-gbɛ yen.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Bɔ-Koe-Iyipiti 14:21

Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Bɔ-Koe-Iyipiti 14:22

Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.

Bɔ-Koe-Iyipiti 14:29

Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ.

Bɔ-Koe-Iyipiti 15:8

I ya fɔnyɔ min nabɔ i karɛ rɔ, wo ya yi kɛ fara fila la ka anu nadɛn anu nyɔgɔn kuma tala iko dandan. Yi-ladɛnnɛ wo gbɛlɛyara gbon, iko dandan!

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Isikiyɛli 47:8

A ya a fɔ n ye ko, “Bɛ kɛ ye tala le ka nyamanɛ ratɛgɛ kasan, ka ke Yorodan-ba-lɛɛ ma ha ka ke Dalɛ Faganɛ ma. A wa ke Dalɛ Faganɛ wo ma, a si kɔgɔ-yi wo yɛlɛma yi-nyimɛ la.”

Nehami 1:4

A wa a fɔ kɔgɔ-yi ma, “gbala,” latiriya-bole ma, wo ni gbala todo! Wo si a ma fanan, bɛnu ni gbala. A si a ma fanan, Basan-nyamanita-binyɛnu na ni fɔsɔ. Kamɛli-kɔnkɔ-binyɛnu si ma samayo! Lɛbanan-kɔn-ferenu si gbala kerr!

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Yilan-Yilan Koe 34:3

Ka a fɔlɔ dugula wara la, wola nyamani-dan si a dabira Dalɛ-Faganɛ ma ha ka ke Akiribin Don-Dɛ ma ka tenbi Sin wulɛ rɔ ka ta a labila Idɔm nyamani-dan ma min bi Kɛdɛsi-Baniya dugula-waralɛ rɔ. Dan wo le ye tala ha kan tinɛ do anu bi a fɔla min ma ko Hasa-Ada, tarɛnu bi kan min. Dan wo le ye tala tun ka bila yi-dɔgɔmɛ do fɛ min bi Iyipiti dan la ka ke kɔgɔ-yi ma.

Tɔn-Fɔɛ-Fila-Nyɔgɛ 1:1

Musa kumara Isirɛla mɔgɛnu ye wo tumɛ anu bi yilan-yilanna wulɛ do rɔ Yorodan bɛ tele-bɔɛ wara la min tɔgɛ Paran. Anu bi Paran soe anubɛ Tofɛli, Leban, Hasirɔti, anubɛ Disahabi soenu tɛma Sufi soe da kɔrɔ. Musa ya min fɔ nyɔ rɔ nun, wo le sɛbɛnɛ buku kɛ rɔ.

Tɔn-Fɔɛ-Fila-Nyɔgɛ 3:17

Bɔnsɔn filɛ anubɛ a talɛ dan min tara tele-yigi wara la, wo dan le Yorodan bɛ la ka a fɔlɔ Kalili dalɛ ma ha ka ta ke Dalɛ Faganɛ ma ha ka ta ke Pisiga kɔnkɛ kɔrɔ.

Yasowa 12:3

Ata nyamanɛ-dan tele-yigi, wo le Yorodan bɛ la ka a bi Kalili dalɛ ma min bi Dalɛ-Faganɛ wara la, ka ta ha Bɛti-Yɛsimoti soe ma ka ke Nibɔ kɔnkɛ ma.

Yasowa 3:13

Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

Yasowa 4:22

wo ni a fɔ anu ye ko Isirɛla mɔgɛnu ya Yorodan bɛ tɛgɛ dugu-gbalanɛ kuma.

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!

Kɛlɛ-Kurugbɛnu 7:22

Kidiyɔn anubɛ ala kɛlɛ-dannu bi buru-fɛyɛ wo kun na, Mari ya a ma, anu yoge wonu donta anu nyɔgɔn kɛlɛla. Anu tara anu yogenu gbenna Sɛrɛrati kilɛ la ha Bɛti-Siti soe ma. Anu tara anu dan Abɛli-Mɛhola soe burɔ min bi Tabati soe dafɛ.