Yasowa 3:1 - ALLALA KUMƐ

¹ Wo banda kɛ sɔgɔma subaga, Yasowa anubɛ Isirɛla mɔgɛnu wulita Akasiya dagɛ rɔ. Anu tara Yorodan bɛ dala.

Yasowa 3:1 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 22:3

Iburayima ya a lasɔ subagɛ ma ka sɔgɛ do nyini saraka-mintantɛla ko la. A ya ala dunɛnu kiri ala sofɛlɛ kɔ tɛma. Anubɛ ala den Isiyaka anubɛ wɔli-kɛla mɔgɔ filɛ wonu wulita ka ta kan tinɛ wo rɔ Alla ya minna ko fɔ a ye.

Yaburi 119:60

N gbaranta n nyɛrɛ la, n ko, “Fɔ n ba ila tɔnnu bira le serr!”

Yɛrɛmaya 25:3

ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Yilan-Yilan Koe 25:1

Isirɛla mɔgɛnu ya anu daga makɛ Akasiya lɛɛ rɔ wati min, Isirɛla keminɛ-mɛsɛnu ya a dabira ka Mohabu musinu maki nyɔ.

Maraka 1:35

Wo banda kɛ, subaga dɛ ma, Yisa tara soe kɔma a dan na Alla matara tinɛ.

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 6:12

Wo banda kɛ sɔgɔma subaga, Yasowa anubɛ saraka-masɔlɛnu anubɛ kɛlɛ-dannu wulita ka soe lafoo iko anu ya a ma nya min fɔlɔn.

Yasowa 6:15

A tele wɔrɔnfila nyɔgɛ subaga ma anu wulita. Anu ya soe lafoo wo nya kinyama wɔrɔnfila tele kelen wo rɔ.

Yasowa 7:16

Wo banda kɛ sɔgɔma subaga, Yasowa nara Isirɛla bɔnsɔnnu na kelen-kelenyɛ ma. Mari Alla ya Yuda bɔnsɔn yabɔ.

Yasowa 8:10

Sɔgɔma subaga, Yasowa ya kɛlɛ-den-toenu kele. Ale anubɛ Isirɛla mɔgɔ-banu tara kɛlɛ-dannu yarɔ ka ta Eyai.

Kɛlɛ-Kurugbɛnu 20:19

Wo wulun sɔgɔma, Isirɛla mɔgɛnu ya anu nasɔ ka ta anu daga makɛ Kibiya soe tɔgɔfɛ.

1 Samuwɛli 17:20

Wo wulun sɔgɔma subaga, Dawuda ya a lasɔ. A ya sagɛ wonu kerifanɛ to mɔgɛ do la. A ya dɔn-fan wo damasi bi iko a fa ya a fɔ a ye nya min. A ke dagɛ wo rɔ, a ya a taran, Isirɛla kɛlɛ-dannu bara bɔ dagɛ wo rɔ ka ta anu sɔ anu gbɛ rɔ anu si kɛlɛ kɛ kan min. Anu bi tala gbele-gbelenna anu bolo fɛ nya-kun-kelen.