Yasowa 24:6 - ALLALA KUMƐ

⁶ Kɔnɔ Iyipiti mɔgɛnu ya anuna kirindinu bi ka Isirɛla mɔgɛnu sagaran ha ka ta ke Kɔgɔ-Yi-Wulan ma.

Yasowa 24:6 ပူးပေါင်းရင်းမြစ်များ

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Bɔ-Koe-Iyipiti 12:37

Isirɛla mɔgɛ minnu bɔra tagamana Ramɛsisi soe burɔ ka ta ke Sukɔti soe ma, wonu yatɛ bɛnta mɔgɔ waga kɛmɛ wɔrɔ (600,000) ma kɔnɔ anu ma musinu anubɛ dennɛnu dan.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Hiburunu 11:29

Dɛnkɛninyɛ le fɛ, Isirɛla mɔgɛnu ya Kɔgɔ-Yi-Wulan tɛgɛ iko anu bi tagamana dugu-gbalanɛ kuma nya min. Iyipiti kɛnu ya anu taya tumɛ min ko anu denu ni wo ma, anu tora yi rɔ.