Yasowa 24:5 - ALLALA KUMƐ

⁵ “Wo kɔma, a ya Musa anubɛ Aruna lata Yakobanu ma. A ya tɔrɔya-belebele-wɛ lana Iyipiti mɔgɛnu kuma kɔnɔ a ya wole labɔ nyamanɛ wo rɔ.

Yasowa 24:5 ပူးပေါင်းရင်းမြစ်များ

Yaburi 105:43

Woletɔ a ya ala mɔgɔ-yabɔnɛnu nabɔ. Anu bi sɔnkɔla ka baraka-bira-bɛtinu bɔ sewɛ la.

Yaburi 136:10

A ya Iyipiti kɛnuna sarɛ bɛɛ faga. Ala keninteyɛ dan sa.

Bɔ-Koe-Iyipiti 12:37

Isirɛla mɔgɛ minnu bɔra tagamana Ramɛsisi soe burɔ ka ta ke Sukɔti soe ma, wonu yatɛ bɛnta mɔgɔ waga kɛmɛ wɔrɔ (600,000) ma kɔnɔ anu ma musinu anubɛ dennɛnu dan.

Bɔ-Koe-Iyipiti 12:41

A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 3:10

Woletɔ n bi i latala mansɛ wo ma ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ.”

Bɔ-Koe-Iyipiti 6:27

Musa anubɛ Aruna le kumara Iyipiti mansɛ ye Isirɛla mɔgɛnu nabɔ-koe ma Iyipiti nyamanɛ rɔ.

Yasowa 24:6

Kɔnɔ Iyipiti mɔgɛnu ya anuna kirindinu bi ka Isirɛla mɔgɛnu sagaran ha ka ta ke Kɔgɔ-Yi-Wulan ma.