Yasowa 24:32 - ALLALA KUMƐ

³² Isirɛla mɔgɛnu nara Yusufu kolenu na ka bɔ Iyipiti nyamanɛ rɔ. Anu ya a togon dugu-kundunɛ do rɔ Sɛkɛm soe burɔ Yusufu fa Yakoba ya min san wodi-gbɛ kɛmɛ la Hemorila dannu ma. Dugu-kundunɛ kɛ dira Yusufu bɔnsɔn-mɔgɛnu ma nun fɔlɔ.

Yasowa 24:32 ပူးပေါင်းရင်းမြစ်များ

Ko-Dabirɛnu 33:19

Kei min tɔgɛ sara Sɛkɛm soe kɛ kuma, wo fa tɔgɛ le Hemori. Yakoba ya dugu-kundi san Hemori sɔrɛ ma wodi-gbɛ-gbu kɛmɛ la. A ya a daga makɛ nyɔ.

Ko-Dabirɛnu 48:22

N ya Sɛkɛm tɛngbɛnya-hakikɛ min bɔ Amoranu bolo nna faan anubɛ nna kalabɛn la, yanni n ni wo di i na-kelen-nyɔgɛnu ma, n bara nyɔ sa ile Yusufutɛ kuma.”

Ko-Dabirɛnu 50:24

Yusufu ya a fɔ a na-kelen-nyɔgɛnu ye ko, “Nde fagamatoe le kɛ la. Alla si wo kandan yati, ka wo bɔ yan ka ta wo la lanyiri-nyamanɛ rɔ iko a ya lanyiri kiri ma benba-benbɛ Iburayima anubɛ ma benba Isiyaka anubɛ ma fa Yakoba ye minna ko la.

Ko-Dabirɛnu 50:25

Kɔnɔ yanni n ni faga tumɛ min, wo ni wo keli n ye ko ni wo ti ta n kolenu na Kenan nyamanɛ rɔ. Woletɔ wo kana sika, Alla si wo kandan yati!”

Bɔ-Koe-Iyipiti 13:19

Musa tara Yusufu kolenu na a bolo bawo yanni Yusufu ni faga tumɛ min, a ya a na-kelen-nyɔgɛnu nasɛ nun ko anuta Alla wa na anu kisi tinɛ tumɛ min, anu ni ta a kolenu na anu bolo.

Yɔni 4:5

A kera soe do ma Samariya nyamanɛ rɔ min tɔgɛ Saika. Yakoba ya gbɛkole min di ala dan Yusufu ma, a fɛ ma yan soe wo la,

Kɛwɔlɛnu 7:15

Woletɔ Yakoba tara anu sigi Iyipiti nyamanɛ rɔ. Ale anubɛ ma benbanu siyi banta nyɔ le.

Kɛwɔlɛnu 7:16

Mɔgɛ wonu tara anu furinu na ha Sɛkɛm soe burɔ. Anu ya anu togon kanbɛ wo rɔ Iburayima ya min san Hemorila dannu ma.

Hiburunu 11:22

Yusufu fanan fagamatoe, a ya Isirɛla mɔgɛnu bɔ-koe fɔ Iyipiti nyamanɛ rɔ dɛnkɛninyɛ le fɛ. Anu si min ma a fɛrɛ-bɔnkɛ la, a ya wo rakaran anu ye.