Yasowa 24:27 - ALLALA KUMƐ

²⁷ Yasowa ya a fɔ mɔgɛ bɛɛsi ye ko, “Kuri kɛ si ma tamasere la wo ye. Mari ya min fɔ wo ye, a si ma hɛnkili bila koe wo bɛɛ la. Ni wo ya wo ban wola Mari la, kuri kɛ si wo hɛnkili labila ko wo ara wola sarama-kan tinya.”

Yasowa 24:27 ပူးပေါင်းရင်းမြစ်များ

Yobu 31:23

N ti ko-yogo-sifa kɛ ma bawo n kilannɛ Allata tɔrɔyɛ la.

Yobu 31:28

Ni n ya wo ma nun, a bɛnta, n ni faga bawo n bara bila Alla la.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Habakuku 2:11

Hali kuri minnu manɛ wola bon-kurukɛ-fannu na, wonu bi wo sɔn sɔla wo rɔ anu kulu-mayɛlɛnɛ la. Bon-gbarannu fanan bi wo labirala.

Yilan-Yilan Koe 11:20

kɔnɔ wo si to a dɔnna ha karɛ kelen. A ko wo si a dɔn ha a ni bɔ wo sunyɛ rɔ. A ko wo si to a dɔnna ha a wuyɛ ni sigi wo ma. Min ya a to a ye kɛ mala, a ko bawo mɔgɔ-fisiri-fasarɛ le wole la. A ko wo ara da-magboya-kumɛ fɔ, hali wo ye a fɔla ko a fisa nun hali wo tora Iyipiti.”

Matiyu 10:33

Kɔnɔ mɔgɔ-wo-mɔgɔ wa a ban n na gbɛ rɔ, nde fanan si n ban a la worɔ n Fa Alla yakɔrɔ min bi Arinyɛni tɔ.

Luka 19:40

Yisa ya anu yabi ko, “N bi a fɔla wo ye, ni anu ya anu made, kuri kɛnu bɛrɛn si gbele-gbelen.”

Tɔn-Fɔɛ-Fila-Nyɔgɛ 30:19

Kaka, nde nyɛrɛ fanan bi fɛrɛ dila wo ma ka wota bi duwɛ anubɛ dankɛ tɛma, simayɛ anubɛ fagalɛ tɛma. San-kole anubɛ dugu-kole si ma sereyɛ la wota bi-koe kɛ rɔ. Nde, Musa ko wo ni simayɛ bi.

Tɔn-Fɔɛ-Fila-Nyɔgɛ 31:19

Mari ya a fɔ Musa ye tun ko, “I ni bɛti kɛ sɛbɛ. I ni Isirɛla mɔgɛnu karan a la woletɔ a si ma sereyɛ la anu kan ma.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”

Tɔn-Fɔɛ-Fila-Nyɔgɛ 31:26

“Allata tɔn-kitabu kɛ bi ka a sa wota Mari Allata tɔn-kenkirɛ burɔ. Kitabu wo si to sanɛ nyɔ ka ma sereyɛ la wole Isirɛla mɔgɛnu kan ma.

Tɔn-Fɔɛ-Fila-Nyɔgɛ 32:1

“San-kole anubɛ dugu-kole, nde, Musa ye nala min fɔla, wo ni wo tole masɔ nta kumɛ wo la. Wo ni wo tole masɔ bɛrɛkɛ!

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Yasowa 22:34

Rubɛn bɔnsɔn anubɛ Kadi bɔnsɔn ya saraka-mintan-tinɛ wo tɔgɔ sa “Sereyɛ.” Anu ko, “Sereyɛ le wo la mabɛ Isirɛla mɔgɛ toenu tɛma ko Mari le mata Alla la.”

Yasowa 24:28

Yasowa ya Isirɛla mɔgɛ bɛɛsi lata anu halala-nyamanɛnu tɔ.

Lankɛnimayɛ 3:8

N ya wola wɔli-nyimɛ lɔn. N ya a lɔn ko sɛnbɛ ye wo bolo doni. Wo ara bila nna karan fɛ ka lanayɛ kɛ n ye. N bara dɛ laka wo yarɔ, mɔgɔ-wo-mɔgɔ ti ke min natogonna.

1 Samuwɛli 7:12

Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”