Yasowa 24:21 - ALLALA KUMƐ

²¹ Isirɛla mɔgɛnu ya a fɔ a ye ko, “Ma si Mari Alla le bato serr!”

Yasowa 24:21 ပူးပေါင်းရင်းမြစ်များ

Bɔ-Koe-Iyipiti 19:8

Mɔgɛ bɛɛsi ya a yabi anu nyɔgɔn fɛ ko, “Mari ara min bɛɛsi fɔ, ma si wonu bira.” Musa tara mɔgɛnu kan wo latenbi Mari ma.

Bɔ-Koe-Iyipiti 20:19

Mɔgɛ wonu ya a fɔ Musa ye ko, “I yandi, Alla kana kuma ma ye kamasɔrɔn ma kilannɛ a la. Ni a kumara ma ye, ma si faga. Ni ile nyɛrɛ kumara ma ye, ma si a lamɔɛn de!”

Bɔ-Koe-Iyipiti 24:3

Wo kɔma, Musa tara ka Marila kumɛ anubɛ ata tɔn kɛnu natenbi mɔgɛnu ma. Mɔgɛ bɛɛ ya a fɔ nya-kun-kelen ko, “Mari ara kumɛ min bɛɛsi fɔ, ma si wonu bira.”

Bɔ-Koe-Iyipiti 24:7

A ya tɔn-buku wo bi ka a karan mɔgɛnu ye. Anu ya a yabi ko, “Mari ara min bɛɛsi fɔ, ma si wonu kɛ ka ala kumɛ bira.”

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Tɔn-Fɔɛ-Fila-Nyɔgɛ 26:17

Wo ya a fɔ bi, ko wo tigi le Mari Alla la. Wo ara lanyiri kiri nun tɔn kɛnu bira-koenu ma. Wo ko a ya min bɛɛsi fɔ wo ye, wo si wonu bira.

Yasowa 24:20

Ni wo ya bɛsi-wo-bɛsi kɔ ka wo ban Mari la, a si wo tɔrɔya ata fondo-bɔɛ la. A ya ata ko-nyimɛ min kɛ wo ye nun fɔlɔ, a si wo halaki wo gbɛ rɔ.”

Yasowa 24:22

Yasowa ya a fɔ anu ye ko, “Wo sere ye wo nyɛrɛ burɔ ni wo si Mari Alla bato.” Mɔgɛnu ya a yabi ko, “Ɔnde, i wara tonyɛ fɔ. Ma sere le ma nyɛrɛ la.”