Yasowa 24:18 - ALLALA KUMƐ

¹⁸ Sibolo-gbɛrɛ bɛɛ minnu siginɛ nyamanɛ kɛ rɔ nun, Mari ya wonu gben ma yarɔ hali Amoranu fanan. Woletɔ male si Mari Alla bato bawo mata Mari le.”

Yasowa 24:18 ပူးပေါင်းရင်းမြစ်များ

Yaburi 116:16

E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Bɔ-Koe-Iyipiti 10:2

N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Kɛwɔlɛnu 7:45

Wo kɔma, ma benba minnu tara Yasowa fɛ nyamanɛ bi tinɛ nyɔ-sibolenu bolo, wonu ya Allata Fani-Bɔn wo sɔrɔn anu fanu bolo ka ta wo dununa anu bolo, ado Alla le ya sibole wonu gben anu yarɔ. Fani-Bɔn wo tora nyɔ ha Mansa Dawudata wati.

Tɔn-Fɔɛ-Fila-Nyɔgɛ 10:21

Wo ni a tanto bawo ale le wota Mari Alla la. A ya kabana-ko-wɛ minnu kɛ wo ye, wo ara wonu yen wo nyɛrɛ yɛ la.

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

Yasowa 24:17

Mata Mari Alla le Alla kelen pe la min ya ma benbanu bɔ yɔɔnyɛ rɔ Iyipiti nyamanɛ rɔ. Ma ya kabana-ko-wɛnu yen ma nyɛrɛ yɛ la wo tumɛ ma ye yilan-yilanna wulɛ rɔ. A ya ma tanka ma kɛlɛ-nyɔgɛnu ma ma tagamanta kan-tina min bɛɛ rɔ.

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.