Yasowa 24:15 - ALLALA KUMƐ

¹⁵ Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

Yasowa 24:15 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

1 Ko-Kɔrɔta-Karan 1:14

Kenan kegeyɛ fanan do le Yebusinu wo, Amoranu wo, Kagasanu wo,

Yaburi 101:2

N kɛ-nya si bɛn i ya la. I ye nala n bara muntuma? N bi sɔn-nyimayɛ rɔ nna bɔn la.

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Bɔ-Koe-Iyipiti 23:2

“Wo kana bila sɛrɛ fɛ ko-yogoma-kɛ-tinɛ. Mɔgɛ kana a radu sereya bɔ tinɛ ka sɔ nyama fɛ kumɛ rɔ.

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Saraka-Masɔlɛnuta Tɔnnu 14:42

Wo kɔma, anu si kuru-gbɛrɛkɛ nyini anu ya kan-tinɛ minnu tinya wo la, anu si wo nyɔgɔn sɛgi kuri wo la. Anu si borongbɛ bi wo rɔ ka bɔn wo manɔri wo la.

Maika 4:5

“Hali sibolo-gbɛrɛkɛ-mɔgɛnu bi anu nyɛrɛta bɛsɛnu kɔla kɔnɔ male si mata Mari Alla bato burubukai!

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Tɔn-Fɔɛ-Fila-Nyɔgɛ 13:7

Tumado wo mɔgɔ-su si a ma, i ni wo dafɛ-mɔgɛnuna bɛsɛnu kɔ, ni wo ma, wula-yanna-mɔgɛnuna bɛsɛnu,

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Yasowa 24:16

Isirɛla mɔgɛnu ya a yabi ko, “Ma ti bɛsɛnu kɔ ka Mari to nyɔ mumɛ!

Kɛlɛ-Kurugbɛnu 6:10

Wo kɔma, a ya a fɔ wo ye ko wota Mari Alla le ale la. A ko wo kana kilan Amoranuna bɛsɛnu na wo siginɛ kan min kaka. Kɔnɔ Mari ko wo sa ata kumɛnu birala.”