Yasowa 23:8 - ALLALA KUMƐ

⁸ Kɔnɔ wo ni bila wota Mari Alla fɛ iko wo ya a ma nya min fɔlɔ ha kaka!

Yasowa 23:8 ပူးပေါင်းရင်းမြစ်များ

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 11:22

“Wo ni wota Mari Alla keni ka ata kumɛ bɛɛsi bira ka ma telenbagɛ la a ye. Ni wo ya tɔn kɛnu bira tuma-wo-tuma,

Tɔn-Fɔɛ-Fila-Nyɔgɛ 13:4

Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 4:4

Kɔnɔ mɔgɛ minnu ya anu telen wota Mari Alla ye wo wati rɔ, ha kaka wonu kɛndɛ.

Tɔn-Fɔɛ-Fila-Nyɔgɛ 8:20

Ni wo ma Marita kumɛ bira, wo ye sibole doi kɛnu fagala nya min, wole fanan bi fagala wo nya na le.”

Yasowa 22:5

Wo ni Marila tɔn bɛɛsi bira ka lanayɛ kɛ a ye ka a bato wo yisi bɛɛ la iko Nɛbi Musa ya a fɔ wo ye nya min. Wo ni wola Mari Alla keni wo yisi bɛɛ la.”

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.