Yasowa 23:13 - ALLALA KUMƐ

¹³ wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

Yasowa 23:13 ပူးပေါင်းရင်းမြစ်များ

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

2 Mansɛnu 25:21

Anu ke anu na Ribila soe burɔ Hamati nyamanɛ rɔ, Babilɔn mansɛ ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

2 Mansɛnu 25:26

Wo kɔma, Yuda mɔgɛ bɛɛsi, a bolo-kolon wo, a fen-tigi wo, anubɛ a kɛlɛ-den-kunya-toenu ya anu bɔ Yuda nyamanɛ rɔ ka ta Iyipiti nyamanɛ rɔ bawo anu kilannɛ Babilɔn mɔgɛnu na.

Yaburi 69:22

Anu tenbi fen dɔn kun na ladiyɛ rɔ, alamɛ ladiyɛ mara anu tabunden-fan la. Anu tenbi saraka-bɔɛ la, alamɛ wo mara anu bui-kunya la.

Bɔ-Koe-Iyipiti 10:7

Mansɛla mɔgɔ-banu ya a fɔ ale mansɛ ye ko, “Kei kɛ si a fara gbɛrɛ lasigila ma ye tumɛ mintan? A fisa, i ni mɔgɛ kɛnu boloka alako anu ni ta anuta Mari Alla bato tinɛ. Ile ma a lɔn fɔlɔn ko Iyipiti nyamanɛ ara ban tinyana?”

Bɔ-Koe-Iyipiti 23:33

Wo ka sɔn sibole wonu ni sigi wola nyamanɛ wo rɔ. Ni wo ya wo ma, anu si wo ladon hakɛ rɔ nde, Mari kan ma. Ni wo ya anuna bɛsɛnu kɔ, wonu si ma gbɛrɛ la wo ye ka wo faga.”

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Isikiyɛli 28:24

Mari ko, “Sibole min bɛɛsi ye Isirɛlala foolɛ rɔ, minnu tɛgɛnɛ anu tɔ, wonu ti ma gbankinya anubɛ gbangbufe la Isirɛla mɔgɛnu ye tun. Wo si a ma, wonu ni n lɔn anu Tigi Mari la.”

Yilan-Yilan Koe 33:55

“Kɔnɔ n bi wo makawandila ko ni wo ma mɔgɛ kɛnu gben minnu bi tola wo tɛma, wonu si wo tɔrɔ iko wɔnɛ tenbi mɔgɔ yɛ rɔ, ni wo ma, iko tanba-sungban tenbi mɔgɛ kɛɛ kɔrɔ. Anu si wo yakɔrɔ-mamɔ tuma-wo-tuma ka to wo kɛlɛla.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

Tɔn-Fɔɛ-Fila-Nyɔgɛ 30:18

Mari si wole fanan halaki worɔ. N bi wo makawandila ka a gbɛlɛya gben, wo ti mɛ sigini lanyiri-nyamanɛ wo rɔ mumɛ, wo ye tala sigila kan min wo wa Yorodan bɛ tɛgɛ, kɔni.

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

2 Timoti 2:26

Wo kɔma, anu si hɛnkili sɔrɔn alako anu ni bɔ Setanɛta gbɛrɛ la nya min. Bawo Setanɛ ara anu bira ko anu ni ale sako kɛ.

Kɛlɛ-Kurugbɛnu 2:21

Bawo anu ti nta kumɛ bira, sibolo-gbɛrɛ minnu tonɛ anuna nyamanɛ rɔ nun Yasowata fagɛ kɔma, n ti wonu gben anu ye.”