Yasowa 23:12 - ALLALA KUMƐ

¹² “Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,

Yasowa 23:12 ပူးပေါင်းရင်းမြစ်များ

Ko-Dabirɛnu 2:24

Woletɔ kei si a na anubɛ a fa boloka ka tugun ala musi la. Anu si ma mɔgɔ kelen na.

Ko-Dabirɛnu 34:3

A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye.

1 Mansɛnu 11:2

Hali Mari ara tɔn sigi Isirɛla mɔgɛnu ma ko anu kana sibolo-gbɛrɛkɛ-dunmusu-wo-dunmusu furu, ale Mansa Silamɛni ya a tui ka furi kɛ sibolo-gbɛrɛkɛ-mɔgɛnu ma. Mari ya tɔn wo sigi bawo a ya a lɔn ko anu bi donna musi wonuta bɛsi-kɔ-koe rɔ. Hali wo, a niyi burita ala musinu fɛ.

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Matiyu 12:45

A si ta worɔ ka na nyina wɔrɔnfila gbɛrɛ la a bolo minnu yogo ale nyɛrɛ ko. Anu si na ka anu sigi a fɛ bɔn wo la. Nba, mɔgɛ wola ban si yogoya ka tenbi a fɔlɔtɛ la. A si ma bita mɔgɔ-yogomɛnu na wo nya na le fanan.”

Yɔni 6:66

Ka a tɛgɛ kumɛ kɛ ma, Yisa gba-fɛ-bilalɛ siyaman sɛgira. Anu ma sɔn bilala a fɛ tun.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Tɔn-Fɔɛ-Fila-Nyɔgɛ 6:15

Ni wo ya bɛsi-gbɛrɛkɛnu kɔ Mari kɔma, a si ata diminyɛ layigi wo kuma ka wo halaki pɔɔ! Wota Mari Alla min bi wo fɛ, a sa nyinina a senɛ ma.

Tɔn-Fɔɛ-Fila-Nyɔgɛ 7:3

Wo kana furu-ko-lundan bila wo nyɔgɔn tɔ. Wo kana wola den-sunkurɔnnu di anuna den-keminɛnu ma. Wole fanan ka sɔn anuna dunmusinu furula wola den-keminɛnu ye.

Tɔn-Fɔɛ-Fila-Nyɔgɛ 7:4

Ni wo ya wo ma, wo si a ma, wola dannu si anu kan-kɔ sɔ Mari la ka anu nyɛrɛ don bɛsi-kɔ-koe rɔ. Ni anu ya anu don wo rɔ, Mari fonde si bɔ wo kuma ka wo damasi halaki pɔɔ!

Yasowa 23:11

Wo ni a ma wo fɛrɛma ka wola Mari Alla keni.

1 Yɔni 2:9

Ni min ko a ye waan rɔ kɔnɔ hali wo, gboyanayɛ ye anubɛ a na-kelen-nyɔgɛ do tɛma, wo tigi ye pinpi le tɔ ha kaka.

Kɛlɛ-Kurugbɛnu 14:3

A fa anubɛ a na ya a fɔ a ye ko, “Ile ma musi nyini i na-kelen-nyɔgɛnu tɛma, fɔ i ni ta Filisiti-kemininyabɛlɛ wonu barɛ musi nyini tinɛ?” Samsin ya a fɔ a fa ye ko, “A sɔgɛ ye n na, wo ni wo le furu nde ye bawo wo lela ko di n ye.”

Kɛlɛ-Kurugbɛnu 3:6

Anu ma anu halaki fɔ ka anu ma anu furu-nyɔgɛnu na. Isirɛla keminɛnu ya anuna dunmusinu furu. Anu denu fanan ya Isirɛla mɔgɛnuna dunmusinu furu. A ma mɛ lefan, Isirɛla mɔgɛnu bilara anuta bɛsi-kɔ-koenu tɔ.