Yasowa 23:11 - ALLALA KUMƐ

¹¹ Wo ni a ma wo fɛrɛma ka wola Mari Alla keni.

Yasowa 23:11 ပူးပေါင်းရင်းမြစ်များ

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

1 Kɔrɛnti 8:3

Kɔnɔ Alla keninɛ minnu bolo, a ya wonu lɔn.

Ɛfɛsa 5:15

Woletɔ wo ni a ma wo fɛrɛma wo tagama-nya rɔ. Wo kana tagama iko ko-lɔnbɛlɛnu. Wo ni tagama iko hɛnkilimɛnu.

Tɔn-Fɔɛ-Fila-Nyɔgɛ 30:16

N bara tɔn min di wo ma kɛ la bi, ni wo ya wota Mari Allala kuman-kan bira ka a latɔnbagaya ka Alla keni, wo ye wɔlɛ min bɛɛ kɛla worɔ, wonu si sabati wo bolo. Wo bɔnsɔnnu si siyaya. Wo ye tala sigila nyamanɛ min tɔ, wota Mari Alla si ata duwɛ layigi wo kuma nyɔ.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 4:15

Musa ya a fɔ Isirɛla mɔgɛnu ye ko, “Mari ye kumala wo ye ka bɔ ta-mɛlan rɔ tumɛ min Sinayi kɔnkɛ kuma, wo ma ke a yenna, hali ala muninyɛ. Woletɔ min fisa, wo ni a ma wo fɛrɛma,

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Yasowa 22:5

Wo ni Marila tɔn bɛɛsi bira ka lanayɛ kɛ a ye ka a bato wo yisi bɛɛ la iko Nɛbi Musa ya a fɔ wo ye nya min. Wo ni wola Mari Alla keni wo yisi bɛɛ la.”

Yasowa 23:10

Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

Yasowa 23:12

“Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,