Yasowa 23:10 - ALLALA KUMƐ

¹⁰ Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

Yasowa 23:10 ပူးပေါင်းရင်းမြစ်များ

2 Samuwɛli 23:8

Kɛlɛ-kurugba sawɛ minnu madonnɛ Mansa Dawuda la, wonu tɔgɛ le kɛnu na. A fɔlɔtɛ le Yosɛbu-Basɛbɛti la, Takimo kɛ, kɔni. Ale le kɛlɛ-den-kunyɛ la mɔgɔ sawɛ kɛnu tɔ. Lun kelen ale ya mɔgɔ kɛmɛ segin kɛlɛ ka anu damasi faga ala tanbɛ la.

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

1 Ko-Kɔrɔta-Karan 5:22

Anu ya anu yogo-siyaman faga bawo Alla nyɛrɛta kɛlɛ le. Anu tora sigini nyamanɛ wo rɔ furr, fɔɔ Asiriya kɛlɛ tanɛ anu na.

Yaburi 35:1

Mari, minnu sɔnɛ n na, i ni wuli wonu kan ma. Minnu bi n kɛlɛla, wonu kɛlɛ.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Aiseya 30:17

Wo wa kɛlɛ-den kelen yen, wole mɔgɔ waga kelen si a buri wo kɔrɔ. Kɛlɛ-dan mɔgɔ loli si a ma, wo dama ni a kɔ a rɔ. Wole kɛlɛ-den fenfen ti to nyɔ fɔ wola gbaran min sɔnɛ kɔnkɛ kuma.

Saraka-Masɔlɛnuta Tɔnnu 26:7

Wo si nɔ-ko sɔrɔn wo yoge damasi kuma.

Saraka-Masɔlɛnuta Tɔnnu 26:8

Wole mɔgɔ loli si ke le mɔgɔ kɛmɛ gbesila. Wo mɔgɔ kɛmɛ si ke le mɔgɔ waga tan forondola.

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 20:3

‘Wole Isirɛla mɔgɛnu, wo ni wo tole masɔ n kuman-kan la. Wo ni wo yisi gbɛlɛya. Wo kana kilan wo yogenu na ka wo buri anu kɔrɔ.

Tɔn-Fɔɛ-Fila-Nyɔgɛ 20:4

Wota Mari ye wo fɛ. A si wo sɛnbɛ don, wo ni anu nɔ feu!’

Tɔn-Fɔɛ-Fila-Nyɔgɛ 28:7

“Wo yogenu ba na wo kɛlɛ tinɛ tumɛ min, anu si bɔ kila kelen fɛ kɔnɔ wota Mari si anu tanyɛnsɛn wo ma. Anu bɛɛ si belenna anu burila wo kɔrɔ kila-siyamɛnu fɛ.

Tɔn-Fɔɛ-Fila-Nyɔgɛ 3:22

Wo kana kilan anu na. Wota Mari Alla nyɛrɛ si kɛlɛ kɛ wo ye.’

Tɔn-Fɔɛ-Fila-Nyɔgɛ 32:20

A ko a ti wo dɛnbɛ hali! Wole tolo-gberenu anubɛ wole mɔgɔ-murutiyanɛnu, a ni a yen wo ye nala min mala wo kɔma gbɛ!

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Yasowa 23:11

Wo ni a ma wo fɛrɛma ka wola Mari Alla keni.

Yasowa 23:3

“Kaka, n bara kɔrɔya. Wo ara koe bɛɛ yen Mari ya min ma sibolo-gbɛrɛ kɛ bɛɛsi la wolela ko la. Wota Mari le ya anu kɛlɛ wo ye.

Kɛlɛ-Kurugbɛnu 15:15

A ya sofɛlɛ gbaga-gbaga-kole sanɛ yen. A ya wo bi ka Filisiti mɔgɔ waga kelen faga wo la.

Kɛlɛ-Kurugbɛnu 3:31

Ehudita wati bannɛ, Anatila den Samiga sigira Ehudi gbɛ rɔ. Samiga ya sara-ninki lagbengben fan bi ka Filisiti mɔgɔ kɛmɛ wɔrɔ faga wo la. Ale fanan ya Isirɛla mɔgɛnu kumafunfan.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”