Yasowa 22:23 - ALLALA KUMƐ

²³ Ni ma ya Marila kumɛ tinya ka saraka-mintan-tinɛ sɔ ka mata sarakɛ bɔ a kuma, Mari ni ma halaki.

Yasowa 22:23 ပူးပေါင်းရင်းမြစ်များ

Ko-Dabirɛnu 9:4

Alla ya a fɔ Nowa ye tun ko, “Kɔnɔ wo kana soge anubɛ a yele dɔn mumɛ kamasɔrɔn niyi ye a yele wo le tɔ.

2 Ko-Kɔrɔta-Karan 24:22

Hali ka a miri Sakaraya fa Saraka-Masɔla Yɛhoyadala wɔli-nyimɛ ma, a ya min ma a ye, a ma wo ma. Sakaraya ye fagala tumɛ min, a ya a dɛ sa-a-rɔ, a ko, “Wo ye minnu mala n na kɛ la, alamɛ Mari ya wo yen. A ni wole fanan tɔrɔ.”

Isikiyɛli 3:18

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni bɔ a sɔn-yogomɛ wo da la ka kisi, ni wo fagara ko-yogomɛ wo kun na, ile hadama-dan gbɛ le wo la, ado n si i bira wo yili la, yɔ!

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Isikiyɛli 33:8

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni a bɔ a sɔn-yogomɛ wo kun na ka kisi, ni a fagara ko-yogomɛ wo kun na, ile Isikiyɛli, i gbɛ le wo la, ado n si i bira wo yili la, yɔ!

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 18:19

Wonu si kuma Alla tɔgɛ rɔ. Minnu ba wonu kuman-kan masɔsɔ, Mari Alla ko a si wonu tɔrɔ.

Yasowa 22:24

“Ma ya wo ma bawo ma sa a fɛ, wola dannu ni a fɔ mala dannu ma tumɛ do ko, ‘Mata Mari Alla, wota Mari ma wo la.’ Wola dannu kana a fɔ tun ko, ‘Mari ya Yorodan bɛ ma dan la ma tɛma alako ma kana ke ma nyɔgɔn ma wona tun, wole Rubɛn anubɛ Kadi bɔnsɔn-mɔgɛnu na, kɔni.’ Anu kana a fɔ tun ko, ‘Wota ko sa mata Mari Allata koe rɔ.’ Woletɔ sinan-ko wo bɔnsɔn-natoe kana mala dannu nasɛgi Mari bato-koe ma.

1 Samuwɛli 20:16

Sarama-kan le kɛ la ma mɔgɔ filɛ ara min kiri ma nyɔgɔn tɛma. Alamɛ Mari ya i yoge bɛɛsi kasara.”