Yasowa 22:18 - ALLALA KUMƐ

¹⁸ Wo ye a fɛ ka wo kan-kɔ sɔ Mari la kaka, wa? Ni wo ya wo ma, wati do si na a si diminya ma dama ma.

Yasowa 22:18 ပူးပေါင်းရင်းမြစ်များ

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

1 Mansɛnu 9:6

Kɔnɔ ni wobɛ i kegeyɛnu ya wo kan-kɔ sɔ n na ka bɔ nta tɔnnu kɔrɔ ka bɛsɛnu kɔ,

2 Mansɛnu 17:21

Fɔlɔ nun, nyamani kelen de Isirɛla nyamanɛ anubɛ Yuda nyamanɛ la. Mari ya Yuda nyamanɛ anubɛ Isirɛla nyamanɛ fara tumɛ min, Isirɛla mɔgɛnu ya Nebatila den Yɛrabowami ma anuna mansɛ la. Mansa Yɛrabowami wo ya a ma, Isirɛla mɔgɛnu ya anu bɔ Marita kilɛ fɛ. A ya a ma, Isirɛla mɔgɛnu donta ko-yogomɛ kɛnu tɔ.

1 Ko-Kɔrɔta-Karan 21:1

A sɔgɛ ya Setanɛ bira ka Isirɛla mɔgɛnu tɔrɔ. Woletɔ a ya Mansa Dawuda yisi kɔrɔtugu alako wo ni ala nyamanita-mɔgɛnu dan.

1 Ko-Kɔrɔta-Karan 21:14

Wo le ya a ma, Mari ya kiraya-fitinɛ layigi anu kuma. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000), wole kunyɛ tora kiraya-fitinɛ wo rɔ.

2 Ko-Kɔrɔta-Karan 25:27

Kebi a murutiyara Mari ma, mɔgɛnu ya yanfɛ don a ma Yerusalɛm soe burɔ alako anu ni ale Mansa Hamasa faga. Woletɔ a ya a buri ka ta Lesi soe burɔ kɔnɔ hali wo, a kunyɛ ma bɔ a rɔ. Anu ya a sagaran ka ta a faga nyɔ.

2 Ko-Kɔrɔta-Karan 34:33

Wo le ya a ma, Mansa Yosaya ya kisimiriya-bɛsɛ wonu tinya Isirɛla nyamanɛ wo mumɛ bɛɛ rɔ. Ale ye a niyi la wati min, a ya a ma, mɔgɛnu ya anu benbanuta Mari Alla bato.

Saraka-Masɔlɛnuta Tɔnnu 10:6

Musa ya a fɔ Aruna anubɛ ala den-kemini-to filɛ Ɛliyasa anubɛ Itamarayi ye ko, “Wo kana wo kunya-rabɔbɛlɛ to. Wo kana wola durukinu tafara yisi-tinya bolo alako ka a yira mɔgɛnu na ko wo ye dila. Ni mɔgɛnu ya a lɔn ko wo yisi magboyanɛ, wo si faga. Mari si diminya Isirɛla mɔgɛ bɛɛsi ma fanan. Mari nyɛrɛ le ya a ma, tɛ bɔra san ma ka anu faga. Ni di-kɛ-sɔgɛ ye wo ta-nyɔgɛ Isirɛla mɔgɛ toenu na, tana ma wo la.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yilan-Yilan Koe 32:15

Wole Rubɛn bɔnsɔnnu anubɛ Kadi bɔnsɔnnu, ni wo ya wo ban tala wo ta-nyɔgɛ kɛnu fɛ, Mari si Isirɛla mɔgɛ mumɛ bɛɛsi boloka, ado ni Isirɛla mɔgɛ kɛnu fagara, wo nanparan si to wole kuma, yɔ!”

Tɔn-Fɔɛ-Fila-Nyɔgɛ 7:4

Ni wo ya wo ma, wo si a ma, wola dannu si anu kan-kɔ sɔ Mari la ka anu nyɛrɛ don bɛsi-kɔ-koe rɔ. Ni anu ya anu don wo rɔ, Mari fonde si bɔ wo kuma ka wo damasi halaki pɔɔ!

Yasowa 22:15

Anu kera Kaliyadi nyamanɛ rɔ Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ warɛ tumɛ min, anu ya a fɔ anu ye ko, “Nfenna wo ara kɛ nyɔgɔn ko-yogomɛ ma ma benba Isirɛlata Alla la ka saraka-mintan-tinɛ ladan wo nyɛrɛ ma? Wo ye bilala Mari fɛ tun, ba?

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:11

Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

1 Samuwɛli 12:14

Ni wo ya wo tole masɔ wota Mari Alla la ka a gbiliya ka ata tɔnnu bira ka ata wɔlɛ kɛ, wo wara-koe bɛɛ si ta a kilɛ fɛ. Ni wobɛ wola mansɛ ya Mari sako kɛ, ko-nyimɛ le wo la.

1 Samuwɛli 12:20

Samuwɛli ya a fɔ ko, “Wo kana kilan. Hali wo ara ko-yogoma-su kɛnu ma, wo kana wo kan-kɔ sɔ Mari la. Wo ni ata wɔlɛ kɛ wo yisi bɛɛ la.