Yasowa 22:15 - ALLALA KUMƐ

^15-16 Anu kera Kaliyadi nyamanɛ rɔ Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ warɛ tumɛ min, anu ya a fɔ anu ye ko, “Nfenna wo ara kɛ nyɔgɔn ko-yogomɛ ma ma benba Isirɛlata Alla la ka saraka-mintan-tinɛ ladan wo nyɛrɛ ma? Wo ye bilala Mari fɛ tun, ba?

Yasowa 22:15 ပူးပေါင်းရင်းမြစ်များ

1 Ko-Kɔrɔta-Karan 21:3

Kɔnɔ Yohabu ya a fɔ ale mansɛ ye ko, “N tigi, alamɛ ita Mari ya a ma, kɛlɛ-dan min nyɔgɔn bi nyɔ kaka, wo nyɔgɔn kɛmɛ ni sa anu kuma. Kɔnɔ n tigi, hali wo mara, itɛ le anu dama la. Nfenna i ye wo mala ka hakɛ lana ila nyamanita-mɔgɛnu kuma?”

2 Ko-Kɔrɔta-Karan 10:19

Ka a bi wo wati ma ha ka a sigi kaka la, Isirɛla mɔgɛ minnu siginɛ kantɔ-wara la, wonu murutiyanɛ Mansa Dawudala mansaya-bɔn ma.

2 Ko-Kɔrɔta-Karan 25:27

Kebi a murutiyara Mari ma, mɔgɛnu ya yanfɛ don a ma Yerusalɛm soe burɔ alako anu ni ale Mansa Hamasa faga. Woletɔ a ya a buri ka ta Lesi soe burɔ kɔnɔ hali wo, a kunyɛ ma bɔ a rɔ. Anu ya a sagaran ka ta a faga nyɔ.

2 Ko-Kɔrɔta-Karan 26:18

Anu ya a fɔ a ye ko, “Mansɛ, a ma bɛn, ile ni saraka-wo-saraka mintan yan tɔ Mari ye. Fɔ Aruna kegeyɛnu yɛ! Wonu denu dantɛgɛnɛ wɔlɛ wola ko la. Bɔ kan-tina-sɛnimɛ kɛ rɔ. I wara bila Mari Alla la, ado ala duwa sa i fɛ tun.”

2 Ko-Kɔrɔta-Karan 28:13

“Wo kana mɔgɔ-biranɛ kɛnu nadon soe burɔ yan tɔ de! Ma ara banna hakɛ kɛla Mari la. Ma ara a ma, a ara diminya furr, ha ma tɔrɔ-sɔgɛ ara a bira. A sɔgɛ ye wole la, wo ni koe do ma min si ma ma tɔrɔ-koe la, wa?”

Ɛsira 9:15

I yandi, Isirɛlata Mari Alla, i ti sɔn ko-radunɛ ma kɔnɔ hali wo, i wara ma to ma niyi la. Ma ara ma sɔ a la ko yo sa ma bolo. A ma bɛn ko ma ni ma sɔ i yakɔrɔ lefan!”

Ɛsira 9:2

Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Saraka-Masɔlɛnuta Tɔnnu 5:19

Sarakɛ le kɛnu na bawo a ara hakɛ kɛ Mari la.

Yilan-Yilan Koe 14:43

Ni wo tara wo sɔ Amalɛki mɔgɛnu anubɛ Kenan mɔgɛnu yakɔrɔ ka anu kɛlɛ, anu si wo dama faga. Mari sa wo fɛ mumɛ, bawo wo ara wo ban Marita kumɛ birala.”

Yilan-Yilan Koe 32:15

Wole Rubɛn bɔnsɔnnu anubɛ Kadi bɔnsɔnnu, ni wo ya wo ban tala wo ta-nyɔgɛ kɛnu fɛ, Mari si Isirɛla mɔgɛ mumɛ bɛɛsi boloka, ado ni Isirɛla mɔgɛ kɛnu fagara, wo nanparan si to wole kuma, yɔ!”

Yilan-Yilan Koe 5:6

“I ni a fɔ Isirɛla mɔgɛ bɛɛ ye ko ni mɔgɔ-wo-mɔgɔ ya ko-yoge ma a sigi-nyɔgɔ la, a mara ko-yogo sufa wo sufa la, a ni a sɔn a la. A ya ko-yoge min ma wo la, a ya wo ma nde, Mari le la. Ni a ya mɔgɔ kensunya fenfen na, a ya min bɛɛ bi, a ni wo bɛɛ sara. Ni a ya loli-loli le bi, a ni kelen-kelen sa wo kuma ka a dafa wɔrɔ-wɔrɔ ma ka a lasɛgi a tigi ma tun. Wo kɔma, a ni saga-yigi kelen bɔ hakɛ-sarakayɛ la fanan min si a ma, a hakɛ yama ni togon.

Matiyu 18:17

Kɔnɔ ni a ma sɔn wonu fanan bolo, i ni koe wo bɛɛ rakaran wo ta-nyɔgɛ dɛnkɛninya-mɔgɛnu ye. Nba, ni a ma sɔn wonu fanan bolo, i ni a bira iko sibolo-gbɛrɛ, ni wo ma, duti-makelelɛ.

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

Tɔn-Fɔɛ-Fila-Nyɔgɛ 30:17

Kɔnɔ ni wo ya ata tɔnnu tinya ka wo ban a bira-koe ma, ado wo ma wo tole masɔ a la ka bila mɔgɛ donu fɛ bɛsi-kɔ-tinɛnu tɔ,

Tɔn-Fɔɛ-Fila-Nyɔgɛ 7:4

Ni wo ya wo ma, wo si a ma, wola dannu si anu kan-kɔ sɔ Mari la ka anu nyɛrɛ don bɛsi-kɔ-koe rɔ. Ni anu ya anu don wo rɔ, Mari fonde si bɔ wo kuma ka wo damasi halaki pɔɔ!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Yasowa 22:18

Wo ye a fɛ ka wo kan-kɔ sɔ Mari la kaka, wa? Ni wo ya wo ma, wati do si na a si diminya ma dama ma.

1 Samuwɛli 15:23

Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”