Yasowa 21:9 - ALLALA KUMƐ

^9-16 Kohati mamanɛ Aruna ya so-kun kɔnɔntɛ min sɔrɔn Yuda anubɛ Simiyɔnta nyamanɛ rɔ, wo le kɛnu na, Libina wo, Yatiri wo, Ɛsitɛmowa wo, Holɔn wo, Diba wo, En wo, Yuta wo, anubɛ Bɛti-Simɛsi. Anu ya Hiburɔn soe sɔrɔn Yuda kɔnkɔ-nyamanɛ rɔ, anu ya min ma lakisi-soe la. A kɔnɔntɔ nyɔgɛ le wo la. Anu bi soe wo kelela nun Araba. (Anaki fa le Araba la min tɔgɛ sara soe kɛ kuma nun.) Kan tinɛ min bɛɛ ye Hiburɔnla minɛ rɔ anubɛ a so-mɛsɛnɛnu, wo bɛɛ dira Kelabu ma fɔlɔfɔlɔ. Kɔnɔ Hiburɔn soe nyɛrɛ anubɛ a kolo-fen de-nyini-tinɛnu dira Aruna kebila-mɔgɛnu ma.

Yasowa 21:9 ပူးပေါင်းရင်းမြစ်များ

1 Ko-Kɔrɔta-Karan 6:39

Minnu bɔra Kɛrisɔn kebilɛ rɔ, sigi-sala-kurun fila nyɔgɛ minnu bi nyɔ, Esafi le wonu kun na. Lifayi kebila-mɔgɛ do le ale Esafi la. Ka a bi Esafi ma ka a sigi Lifayi la, wonu tɔgɛ le kɛnu na. Esafi fa le Bɛrɛkaya la. Bɛrɛkaya fa le Simɛya la.

1 Ko-Kɔrɔta-Karan 6:65

(Soe minnu bi Yuda nyamanɛ rɔ wo, anubɛ minnu bi Simiyɔn anubɛ Bɛnyamɛta nyamanɛ rɔ wo, anu ya wonu tala koron-nakɛ fɛ.)

2 Ko-Kɔrɔta-Karan 31:15

Saraka-masɔlɛnu siginɛ soe minnu tɔ, Lifayi mɔgɔ wɔrɔ ye nyɔ minnu bi Kɔri kɛ dɛnbɛna soe wonu tɔ. Mɔgɔ wɔrɛ wonu tɔgɛ le kɛnu na, Idɛn wo, Menayamin wo, Yɛsuwa wo, Sɛmaya wo, Amaraya wo, anubɛ Sɛkanaya. Wonu ya dɔn-fannu tatala anu ta-nyɔgɛ Lifayinu na iko anuna wɔli faranɛ nya min, a kina wo, a dennɛ wo.

Yasowa 21:4

(Lifayi ya den mɔgɔ sawa sɔrɔn, Kohati wo, Mɛrari wo, anubɛ Kɛrisɔn.) Kohati bɔnsɔn mara a fɔlɔtɛ la min ya ata soenu sɔrɔn. Anu ya so-kun tan-ni-sawa sɔrɔn Yuda, Simiyɔn anubɛ Bɛnyamɛ sibolenu tɛma.

Yasowa 21:8

Isirɛla mɔgɛnu ya wo kumɛ bɛɛsi bira iko Mari ya a fɔ Musa ye nya min. Anu ya soe wonubɛ anuna kolo-fen de-nyini-tinɛnu di Lifayi bɔnsɔn ma koron-nakɛ fɛ.