Yasowa 21:45 - ALLALA KUMƐ

⁴⁵ Mari ya lanyiri kiri anu ye fan min bɛɛla ko la, anu ya wo bɛɛ sɔrɔn.

Yasowa 21:45 ပူးပေါင်းရင်းမြစ်များ

1 Mansɛnu 8:15

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Dawuda ye, a ara wo latɔnbagaya. A ya a fɔ n fa ye nun ko,

1 Mansɛnu 8:20

Ale Mansa Silamɛni ya a fɔ tun ko, “Mari ara ala kumɛ wo latɔnbagaya kaka. N bara sigi n fa Dawuda gbɛ rɔ mansayɛ la iko Mari ya lanyiri kiri nya min. Kaka, n bara Bato-Bɔn sɔ Isirɛlata Mari Alla ye.

1 Mansɛnu 8:24

I ya ila lanyiri min kiri n fa Dawuda ye Bato-Bɔn sɔ-koe rɔ, i wara wo bɛɛsi dafa bi.

1 Mansɛnu 8:56

“Alamɛ gbiliyɛ dira Mari ma min bara yisi-kimɛ di ala mɔgɛnu ma iko a ya a fɔ anu ye nya min. Hali lanyiri-kelen-bɛrɛn ma tinya a ya min fɔ Musa ye Isirɛla mɔgɛnuna ko la.

Nihɛmaya 9:8

I ya a yisi-telennɛ yen i wara la. Wobɛ ya sarama-kan kiri wo nyɔgɔn tɛma. Kenannu siginɛ kan min wo, Hɛtinu anubɛ Amoranu siginɛ kan min wo, Perasanu anubɛ Yebusinu anubɛ Kagasanu siginɛ kan min wo, i ya ale Iburayima yili-madiya ko wonuna nyamanɛ si ma a kegeyɛnutɛ la, ado i wara ila sarama-kan wo latɔnbagaya bawo i telenta.

Aiseya 48:3

Mari ya a fɔ Isirɛla mɔgɛnu ye ko, koe min bi nala mala, bi-ko-ma wo miriyɛ ye a bolo, ado a ma mɛ lefan, wonu bɔra a la tiriya!

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

1 Tɛsalonaika 5:24

Ale Yisa min bara wo yabɔ, kan-kelen-tigi le ale la min kɛ, wo si la a la ko a ni koe wo bɛɛ ma wo ye.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

1 Samuwɛli 3:19

Samuwɛli tora koloyala. Mari tora a fɛ. Samuwɛli ya koe min bɛɛsi fɔ mɔgɛnu ye, wonu mara tonyɛ la.