Yasowa 21:44 - ALLALA KUMƐ

⁴⁴ Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Yasowa 21:44 ပူးပေါင်းရင်းမြစ်များ

2 Ko-Kɔrɔta-Karan 13:16

Isirɛla kɛlɛ-dannu ya anu buri Yuda kɛlɛ-dannu kɔrɔ. Alla ya a ma, Yuda kɛlɛ-dannu ya Isirɛla kɛlɛ-dannu nɔ.

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Bɔ-Koe-Iyipiti 33:14

Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Aiseya 63:14

Marita Ni-Sɛnima sɔra anu yarɔ ka ta anu na anu sulen tinɛ iko ninkinu tenbi kɔnkɛ yigila ka ta bin nɔrɔnnɛ magbenna. Mari, i sɔra ila mɔgɛnu yarɔ wo nya na le. Ko-sufa kɛnu denu ya a ma, i mankan tara wuu!

Tɔn-Fɔɛ-Fila-Nyɔgɛ 2:36

Mata Mari Alla ya ma dɛnbɛ ka anuna soe bɛɛ kɛlɛ ka a dabira Arɔra soe ma min bi Anɔn ba lɛɛ rɔ ka ta ke a dafɛ-soe do ma min bi anuna lɛɛ tɛma. Wo kɔma, ma tara ha ka ke Kaliyadi nyamani-dan ma. Anuna soenu tarɛ keri-koe ma gbɛlɛya ma kuma.

Tɔn-Fɔɛ-Fila-Nyɔgɛ 21:10

“Wota Mari Alla wa sɛnbɛ di wo ma wo yogenu kuma ka anu bira,

Hiburunu 4:9

Kɛ si a yira ma la ko Allala mɔgɛnu si ke anu sulenna iko Alla ya a sulen a tele wɔrɔnfila nyɔgɛ ma nya min.

Yasowa 1:13

“Nɛbi Musa ya kumɛ min fɔ wo ye nun, wo ni wo hɛnkili to wo ko, ko Mari si nyamanɛ kɛ di wo ma.

Yasowa 1:15

ha anu ni anuta nyamanɛ sɔrɔn yisi-kimɛ rɔ. Wo kɔma, wo ni sɛgi wo warɛ Yorodan bɛ kɔma yan.”

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 11:12

Anu ya nyamanɛ wo bɛɛ tinya ka a mansɛ wo bɛɛ bira ka anu faga iko Nɛbi Musa ya a fɔ anu ye nya min fɔlɔn.

Yasowa 11:23

Yasowa ya nyamanɛ wo bɛɛ bira-a-la iko Mari ya a fɔ Musa ye nya min nun. Yasowa ya nyamanɛ wo bɛɛ ratala Isirɛla kebilɛnu na. Wo kɔma, anu ya anu sulen kɛlɛ-kɛ ma.

Yasowa 11:8

Mari ya mɔgɛ wo bɛɛ don Isirɛla mɔgɛnu bolo. Anu ya anu bɛɛ gben ha ka ke Saidon soe burɔ anubɛ Misirofa-Maim ha ka ke Misipa lɛɛ rɔ tele-bɔɛ wara la. Mɔgɔ-wo-mɔgɔ ma to a niyi la. Anu ya anu bɛɛsi faga.

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 22:4

Wota Mari Alla ya lafɛrɛ di wo na-kelen-nyɔgɛ Isirɛla mɔgɛnu ma iko a ya lanyiri kiri anu ye nya min. Woletɔ wo ni sɛgi wola nyamanɛ rɔ Yorodan bɛ kɔma tele-bɔɛ wara la Nɛbi Musa ya min di wo ma.

Yasowa 22:9

Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ tara anu barɛ Kaliyadi nyamanɛ rɔ Yorodan bɛ kɔma tele-bɔɛ wara la. Anu ya anu ta-nyɔgɛ Isirɛla mɔgɛnu to Sailo.

Yasowa 23:1

Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!