Yasowa 2:9 - ALLALA KUMƐ

⁹ ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Yasowa 2:9 ပူးပေါင်းရင်းမြစ်များ

Ko-Dabirɛnu 35:5

Anu ya tagama dabira tumɛ min, Alla ya kilan don anu dafɛ-sorɔ-mɔgɛnu tɔ. Wo le ya a ma, anu ma Yakoba anubɛ ala den-keinu sagaran.

2 Samuwɛli 17:10

Woletɔ ni wo ara don mɛ rɔ, hali ila kɛlɛ-dan minnu kerinte iko yarɛ, wonu kun ma si kɔ kilan bolo bawo Isirɛla mɔgɛ damasi ya a lɔn ko i fa Dawuda anubɛ ala kɛlɛ-dannu kolo gbɛlɛ.

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

Nihɛmaya 6:16

Ma yoge min bɛɛsi ye mala foolɛ rɔ, wonu ya a lamɔɛn min kɛ ko ma ara wɔlɛ kundon, anu miliyara bawo anu bara a lɔn ko mata Alla ara ma dɛnbɛ wɔlɛ kɛ rɔ.

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Yobu 19:25

Kɔnɔ n ya a lɔn serr, ko n kunkalɛ ye nyɔ Arinyɛni tɔ. Nta wati wa ke, a si ma nna kiti-fɔlɛ la.

Yaburi 112:10

Ni karagbɛlɛ ya mɔgɔ-sufa kɛ yen, tɛ si sigi a yisi la. A si a yakɔrɛ sisi. Wo si a ma, a fɛrɛ ni ban a ma feufeu! Yigi-wo-yigi ti taran a bolo tun.

Yaburi 115:16

Mari kelen petɛ le Arinyɛnɛ la kɔnɔ a ya dugu-kole di hadama-dannu denu ma.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Bɔ-Koe-Iyipiti 23:27

“N si wo yogenu takilan wo yarɔ. Anu kɔndɔ si fili pirikali! Wo yoge bɛɛ si anu buri wo kɔrɔ.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 23:5

Iyipiti kɛnu ba a lamɔɛn ko Taya soe ara tii, anu yisi si tɔrɔ anu ma.

Yɛrɛmaya 27:5

a mɔgɔ wo, a sogo wo, a dugu-kolo wo, Mari ko ale le ya wonu nadan a sɛnbɛ-makawanɛ la. A ko mɔgɛ min ba diya ale ye, a ye fan kɛ bɛɛ latenbila wo le ma.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Yilan-Yilan Koe 20:14

Musa ya kilayɛ lata ka bɔ Kɛdɛsi dagɛ rɔ ka ta ke Idɔm nyamanɛ mansɛ ma. Kilayɛ ya a dantɛgɛ mansɛ wo ye ko, “Kumɛ kɛ bɔra i na-kelen-nyɔgɛ Isirɛla mɔgɛnu bolo. Anu ko, ‘Wo ara mata tɔrɔyɛ kɛ lamɔɛn.

Yilan-Yilan Koe 20:24

“Aruna ti don lanyiri-nyamanɛ wo rɔ. A ye so-sɛgi-kɛla yan de bawo wo murutiyara n ma Sɔnkɔ-Sɔnkɔ Tenke dafɛ.

Matiyu 20:15

ado nta wodi le kɛ la, a ma bɛn, wa, n ni n diyana-koe kɛ wo la? I ye keliyɛ kɛla nna foninsereyɛla ko la nfenna?’ ”

Tɔn-Fɔɛ-Fila-Nyɔgɛ 11:25

Wo tara nyamanɛ wo kan-tina wo kan-tina rɔ, wota Mari Alla si a ma, nyɔ-mɔgɛnu ni kilan wo la iko a ya lanyiri kiri wo ye nya min. Mɔgɔ-wo-mɔgɔ ti ke kilɛ tɛgɛla wo ma.

Tɔn-Fɔɛ-Fila-Nyɔgɛ 2:25

Ka a dabira bi ma, Mari si a ma, duninya-mɔgɛ bɛɛ si kilan wo la. Anu ba wo tɔgɛ lamɔɛn tumɛ min, anu si yɛrɛyɛrɛn.’ ”

Tɔn-Fɔɛ-Fila-Nyɔgɛ 28:10

Wo kɔma, duninya-mɔgɛ bɛɛ si a lɔn ko Allata mɔgɔ-yabɔnɛ le wole la. Anu si kilan wo la.

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.

Hiburunu 11:31

Hali minnu ma Allala kumɛ bira Yɛrikɔ soe burɔ, musu-yɛlɛn Rehabita dɛnkɛninyɛ ya a ma, a ma faga wonu fɛ bawo a ya Isirɛla ko-lakɔrɔsilɛnu tabira.

Yasowa 2:11

Ma ya wo lamɔɛn wati min, ma dama kilanta. Ma yigi tɛgɛra feu! Sɛnbɛ ma taran ma bolo tun bawo ma ya a lɔn ko Mari Alla Min Bi Fan Bɛɛ Kuma san-kole rɔ anubɛ dugu-kole kuma, wo ye wole fɛ.

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 2:8

Yanni Isirɛla mɔgɔ filɛ wonu ni ta anu sa tinɛ, Rehabi tara bɔn kuma

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!

Yasowa 6:2

Mari ya a fɔ Yasowa ye ko, “N si Yɛrikɔ mɔgɛnu don wo bolo anubɛ a mansɛ anubɛ a kɛlɛ-kɛla-wɛnu.

Yasowa 9:10

Ma ya a lamɔɛn fanan a ya min ma Amora mansa mɔgɔ filɛ la Yorodan tele-bɔɛ wara la, Mansa Saihɔn min bi Hɛsibɔn soe burɔ anubɛ Mansa Ɔku min bi Asitɔra soe burɔ Basan nyamanɛ rɔ.

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.

Yasowa 9:9

Anu ya a yabi ko, “Male bɔra nyamani-fɛ-yanyanɛ rɔ bawo ma ya a lamɔɛn wota Mari Alla ara min ma Iyipiti nyamanɛ rɔ.

Kɛlɛ-Kurugbɛnu 7:14

A ta-nyɔgɛ wo ko, “Kɛ kɔrɔ-bɛrɛbɛrɛ ye min na, biredi wo, Yohasila den Kidiyɔnta faan le wo la. Alla ara ban male Midiyan kɛlɛ-dan damasi donna Isirɛla mɔgɛnu bolo tɔ.”