Yasowa 2:4 - ALLALA KUMƐ

^4-5 Rehabi ya anu yabi ko, “Mɔgɔ fila nara nna bɔn la kɔnɔ n ma anu bɔ tinɛ lɔn, n ma anu ta tinɛ lɔn. Yanni soe kɛ tarɛ dɛ la ni togon wurɛ la, anu bɔra yan. Kɔnɔ ni wo ya anu sagaran kaka, tumado wo si anu bira.”

Yasowa 2:4 ပူးပေါင်းရင်းမြစ်များ

2 Mansɛnu 6:19

Nɛbi Ilaisa tara anu nabɛn kilɛ la. A ya a fɔ anu ye ko, “Wo ara to-a-rɔ. Wo ye soe min nyini tinɛ, wo ma kɛ la. Wo ni bila n fɛ, wo ye kei min nyini tinɛ, n ni ta wo yira wo la.” A tara anu na Isirɛla mɔgɛnuta so-karantan rɔ.

Bɔ-Koe-Iyipiti 1:19

Tinkɔrɔ-sigilɛ wonu ya a fɔ mansɛ ye ko, “Hiburu musinu tagbɛlɛ. Anu sa iko Iyipiti musinu. Anu nakala muila. Yanni male tinkɔrɔ-sigilɛ ni don min kuma, wo ara ban dan sɔrɔnna.”

Yemesi 2:25

Yɛlɛn-musi, Rehabi don! Wo fanan mara wo nya na le. A telenta Alla ye ala kɛwɔlɛnu denu fɛ bawo a ya Yahudiyanuna ko-lakɔrɔsilɛnu rabira a kin na ka anu nasɛgi kila-gbɛrɛkɛ fɛ.

Yasowa 2:3

a ya kilayɛ lata musi wola bɔn la ka a fɔ a ye ko, “Mɔgɛ donu bara na ka mala nyamanɛ lakɔrɔsi. Anu don ma bolo.”

Yasowa 6:17

Yasowa ya Mari kuman-kan latenbi mɔgɛnu ma nun ko, “Yɛrikɔ wa halaki tumɛ min, fan bɛɛ si ma Maritɛ la. Rehabi anubɛ ala mɔgɛ minnu bi ala bɔn la, wonu dɔrɔn si kisi bawo ale Rehabi ya Isirɛla mɔgɔ filɛ wonu nakisi minnu tara so lakɔrɔsi tinɛ. Wo kana fenfen bi wo nyɛrɛ ye. Ni wo ya wo ma, wo si tɔrɔyɛ lana Isirɛla mɔgɛnu kuma. Fan minnu nadannɛ wodi-gbɛ anubɛ sɛnɛ la anubɛ silɛɛ anubɛ nɛgɛ-dogbɛrɛnu na, wo bɛɛ ni di Mari ma ka to Marita fen namara tinɛ rɔ.”

Yasowa 6:25

Kɔnɔ Yasowa ya Rehabi anubɛ ala denbayɛ bɛɛ lakisi bawo a ya mɔgɔ filɛ wonu kisi minnu tara Yɛrikɔ lakɔrɔsi tinɛ. Ata denbayɛ tora Isirɛla mɔgɛnu tɛma ha bi.