Yasowa 2:14 - ALLALA KUMƐ

¹⁴ Mɔgɔ filɛ wonu ya a fɔ a ye ko, “Mari wa soe kɛ di ma ma tumɛ min, ni i ma a fɔ mɔgɔ-wo-mɔgɔ ye ko ma ye nala le, ma si ko-nyimɛ kɛ i ye iko i ya ko-nyimɛ kɛ ma ye nya min. Ni ma ti na ko-nyimɛ kɛ i ye, Mari Alla ni male fanan halaki.”

Yasowa 2:14 ပူးပေါင်းရင်းမြစ်များ

Ko-Dabirɛnu 24:49

Nba, ni wole si sɔn ko-nyimɛ kɛla n tigi ye ka dunmusi kɛ di a ma, wo ni a fɔ n ye. Ni wo ti sɔn wo ma, wo ni wo fanan fɔ n ye. Ni nde si min ma wo rɔ, n ni na to wo mala.”

Ko-Dabirɛnu 47:29

Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

2 Samuwɛli 2:5

a ya kilayɛ donu nata nyɔ. A ko, “Alamɛ wo ya Marita duwɛ sɔrɔn bawo wo ara wola mansɛ gbiliya ka a togon.

2 Samuwɛli 2:6

Alamɛ Mari tora wo fɛ ka to ko-nyimɛ kɛla wo ye. Nde fanan si wo bira boloko-nyimɛ-kɛ ka a tɛgɛ wo ara min nadan.

2 Samuwɛli 9:1

Lunyɛ do, Mansa Dawuda ya nyinikalɛ sa. A ko, “Mansa Sɔli ya mɔgɛ do to le a kɔma, wa? Ni mɔgɛ tora le, a sɔgɛ ye n na, n ni ko-nyimɛ kɛ wo tigi ye Yonatanna ko la.”

1 Mansɛnu 20:39

Mansɛ wo tenbimatoe a la, ale nɛbi ya mansɛ wo rakele, a ko, “N tigi, wo tumɛ ma ye kɛlɛ rɔ, kɛlɛ-dan do nara ma yoge do la ka a don n bolo ko n ni a makandan. A ko ni wo ya a buri n bolo, a ko, n si faga a gbɛ rɔ. Ni wo ma, n ni wodi-gbɛ labɔ a niyila ko la minna gbiliyɛ anubɛ fui-fan bɔrɔ-talɛ rakɛn de!

Hɛnkilimaya-Kumɛnu 14:22

Min bi ko-yogomɛ rabɛnna a hadama-den-nyɔgɛ kan ma, ko-nyima-kilɛ si to-a-rɔ wo ma. Kɔnɔ min bi ko-nyimɛ rabɛnna a hadama-den-nyɔgɛ ye, wo si diya mɔgɛnu ye. Anu si la a la fanan.

Hɛnkilimaya-Kumɛnu 18:24

Hali mɔgɛ diyana-mɔgɛ si siyaya duk kɔnɔ mɔgɔ kelen de ye nyɔ anubɛ min si diya ka tenbi a na-kelen-nyɔgɛ la.

Matiyu 5:7

Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

Kɛwɔlɛnu 23:22

Kɛlɛ-den-kun-tigi-ba wo ko, “I kana a fɔ mɔgɔ-wo-mɔgɔ ye ko i wara kɛ fɔ n ye.” A ya keminɛ boloka. Wo tara.

Yasowa 2:13

Wo kɔma, fɔ wo ni lanyiri kiri n ye ko wo si n fa anubɛ n na lakisi anubɛ n kɔrɔnu anubɛ n dɔgɛnu anubɛ nna kebilɛ bɛɛ. Wo ni a fɔ ko wo wa na wati min, wo si ma lakisi.”

Yasowa 2:15

Rehabila bɔn latugunnɛ soe tarɛ la min kɛ, a ya mɔgɔ filɛ wonu nayigi yili-kole la tarɛ kɔma. Yanni anu ni yigi ka bɔ bɔn kuma,

Yasowa 6:17

Yasowa ya Mari kuman-kan latenbi mɔgɛnu ma nun ko, “Yɛrikɔ wa halaki tumɛ min, fan bɛɛ si ma Maritɛ la. Rehabi anubɛ ala mɔgɛ minnu bi ala bɔn la, wonu dɔrɔn si kisi bawo ale Rehabi ya Isirɛla mɔgɔ filɛ wonu nakisi minnu tara so lakɔrɔsi tinɛ. Wo kana fenfen bi wo nyɛrɛ ye. Ni wo ya wo ma, wo si tɔrɔyɛ lana Isirɛla mɔgɛnu kuma. Fan minnu nadannɛ wodi-gbɛ anubɛ sɛnɛ la anubɛ silɛɛ anubɛ nɛgɛ-dogbɛrɛnu na, wo bɛɛ ni di Mari ma ka to Marita fen namara tinɛ rɔ.”

Yasowa 6:22

Kei filɛ minnu tara Yɛrikɔ lakɔrɔsi tinɛ fɔlɔ nun, Yasowa ya a fɔ wonu ye ko, “Wo ni ta Rehabila bɔn la ka na anubɛ ala denbayɛ la iko wo ya lanyiri kiri a ye nya min nun.”

Yasowa 6:25

Kɔnɔ Yasowa ya Rehabi anubɛ ala denbayɛ bɛɛ lakisi bawo a ya mɔgɔ filɛ wonu kisi minnu tara Yɛrikɔ lakɔrɔsi tinɛ. Ata denbayɛ tora Isirɛla mɔgɛnu tɛma ha bi.

1 Samuwɛli 20:8

I yandi, ko-nyimɛ kɛ kɛ n ye. I wara ila lanyiri min kiri n ye nun Mari yala, i ni wo latɔnbagaya. Ni i lara a la ko n bara ko-yogomɛ do le ma, yanni i fa ni n faga, a fisa, ile ni n faga.”