Yasowa 2:12 - ALLALA KUMƐ

¹² Kaka, n bi a fɔla wo ye ko wo ni wo keli wola Mari rɔ ko n si la tamasere min na, wo ni wo yira n na. Wo ni mabɛ nna kebilɛ rabira iko n ya wo rabira nya min.

Yasowa 2:12 ပူးပေါင်းရင်းမြစ်များ

Ko-Dabirɛnu 21:23

Woletɔ i keli Alla yala ko ni i ti mabɛ nna dannu yanfa anubɛ n mamanɛnu. Kɔnɔ iko n bara ko-nyimɛ kɛ i ye nya min, i yandi, i ni a kɛ mabɛ nna dannu ye wo nya na le. Fananta i ye nyamanɛ kɛ rɔ, i ni to a fɛ-birala a kilɛ fɛ.”

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

Ko-Dabirɛnu 24:9

Wɔli-kɛlɛ wo ya a bole ladon a tigi Iburayima kin tɛma ka a keli a ye musu-nyini-koe rɔ.

Ko-Dabirɛnu 40:14

I wa bɔ yele kɛ la tumɛ min, i yandi, i ni i hɛnkili to n ko ka ko-nyimɛ kɛ n ye. I ni n masigima-koe fɔ mansɛ ye alako nde, Yusufu ni bɔ yele kɛ la yan.

2 Ko-Kɔrɔta-Karan 36:13

Babilɔn mansɛ ya a ma, a ni a keli Alla tɔgɛ rɔ ko Yuda Mansa Sɛdɛkaya ni to a fɛ. Kɔnɔ ale Mansa Sɛdɛkaya murutiyara Babilɔn Mansa Nɛbukanasa ma. Wo kɔma, a ya a ban bila-koe ma Isirɛlata Mari Alla fɛ.

Ɛsita 8:6

Ni anu si na nna mɔgɛ bɛɛ lato le, ha n kebilɛ bɛɛ kunyɛ ni to-a-rɔ, n si ke n muinna kasara-su kɛ kɔrɔ kama?”

Bɔ-Koe-Iyipiti 12:13

Yele susanɛ bɔn minnu dɛ ma, yele wonu si ma tamasere la. Ni n ya tamasere wo yen bɔn minnu dɛ ma, n bi nta fitinɛ min nanala Iyipiti kɛnu ma, wo ti ke nyɔ.

Yɛrɛmaya 12:16

A ko a sɔgɛ le ye a la nun ko anu ni wole, ata mɔgɛnu kɛ-nya karan. A ko fɔlɔ nun, anu ya wole, ata mɔgɛnu nabila lanyiri-kiri-bole la bɛsi Beyali ye. Kɔnɔ kaka, a sɔgɛ ye a la, anu ni ale Mari tɔgɛ ratɛgɛ lanyiri-kiri-tinɛ. A ye a fɛ anu ni a fɔ ko, “A ye mabɛ Mari tɛma… A ko ni anu ya wo ma, anu bara-koe ti sɛgi kɔma. A ko a si a ma, anu ni taran wole, ata Isirɛla mɔgɛnu kurun tɔ.

Maraka 14:44

Ale min bi nala a donna a yogenu bolo tɔ, wo ara tamasere di nyama ma nun ko, “N ba min sunbu, ale le mɔgɛ wo la wo ye nyinina min ma. Wo ni a bira ka ta a la. Wo ni a makandan!”

Romu 1:31

Miriya-nyimɛ sa anu burɔ, ado anu ma telen. Anu ti anu nyɔgɔn makoto, hali ka kinikini mɔgɔ ma.

1 Timoti 5:8

Ni mɔgɛ do ma a warɛ-mɔgɛnu makoe nyinya katarala a nyɛrɛta denbayɛ ma, wo ara a kan-kɔ sɔ dɛnkɛninyɛ la. Mɔgɔ-sufa wonu yogo dɛnkɛninyabɛlɛnu ko.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Yasowa 2:13

Wo kɔma, fɔ wo ni lanyiri kiri n ye ko wo si n fa anubɛ n na lakisi anubɛ n kɔrɔnu anubɛ n dɔgɛnu anubɛ nna kebilɛ bɛɛ. Wo ni a fɔ ko wo wa na wati min, wo si ma lakisi.”

Yasowa 2:18

Kɛ kɔma, i si min ma, ma wa na soe kɛ kɛlɛ tinɛ tumɛ min, i ya ma layigi yili-kolo-wulan min na kɛ la, i ni wo kiri a gbɛ rɔ. Ile wo, i fa wo, i na wo, i kɔrɔnu anubɛ i dɔgɛnu wo, wo bɛɛsi la ni dɛn bɔn kɛ la.

Yasowa 2:19

Ni mɔgɔ-wo-mɔgɔ ma taran bɔn kɛ la, wo faga-ko-dunɛ si to a nyɛrɛ kuma. Kɔnɔ ni mɔgɔ-wo-mɔgɔ taranta bɔn kɛ la, ma si wo lakisi. Wo ti faga male bolo.

Yasowa 6:22

Kei filɛ minnu tara Yɛrikɔ lakɔrɔsi tinɛ fɔlɔ nun, Yasowa ya a fɔ wonu ye ko, “Wo ni ta Rehabila bɔn la ka na anubɛ ala denbayɛ la iko wo ya lanyiri kiri a ye nya min nun.”

Kɛlɛ-Kurugbɛnu 1:24

Wonu bɛnta kei do la min bɔnɛ soe wo burɔ. Anu ya a fɔ wo ye ko, “Ni i ya duguranya-kilɛ sa ma kɔrɔ, ma ti ko ma ile la.”

1 Samuwɛli 30:15

Dawuda ya keminɛ wo manyinika, a ko, “Minnu tara bui soe kɛnu ma, i ti mɔgɛ wonu yira n na?” Keminɛ wo ya a fɔ a ye ko, “N si a ma kɔnɔ fɔ i wa i keli n ye Alla la, ni i ti n faga, ni wo ma, ka n don nna kun-tigi bolo tun.”