Yasowa 2:11 - ALLALA KUMƐ

¹¹ Ma ya wo lamɔɛn wati min, ma dama kilanta. Ma yigi tɛgɛra feu! Sɛnbɛ ma taran ma bolo tun bawo ma ya a lɔn ko Mari Alla Min Bi Fan Bɛɛ Kuma san-kole rɔ anubɛ dugu-kole kuma, wo ye wole fɛ.

Yasowa 2:11 ပူးပေါင်းရင်းမြစ်များ

1 Mansɛnu 8:60

Woletɔ duninya-mɔgɛ bɛɛ si a lɔn ko ale Mari le Alla la. Alla-gbɛrɛkɛ sa ale kɔma.

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

Nihɛmaya 6:16

Ma yoge min bɛɛsi ye mala foolɛ rɔ, wonu ya a lamɔɛn min kɛ ko ma ara wɔlɛ kundon, anu miliyara bawo anu bara a lɔn ko mata Alla ara ma dɛnbɛ wɔlɛ kɛ rɔ.

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Yaburi 102:15

Sibolo-gbɛrɛnu bi kilanna Mari tɔgɛ la. Duninya-mansɛ bɛɛ kilannɛ ata sɛnbɛ la.

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 15:14

Mɔgɛnu ba kɛ lamɔɛn tumɛ min, anu si yɛrɛyɛrɛn kilan bolo. Filisitinu kun ma si kɔ.

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Aiseya 13:7

Mɔgɛ bɛɛ bolo dunnɛ si to a la lɔsɔrɛ! Mɔgɛ bɛɛ yigi si tɛgɛ gbat!

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Isikiyɛli 21:15

Wo si mɔgɛnu kumakɔ. Anu si to yɛrɛyɛrɛnna. N bi soe rakilanna faan min na, wo si malan-malan iko san-sɛran, ado a rabɛnnɛ mɔgɔ-faga-koe la.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 20:8

“Kɛlɛ-kurugbɛ si nyinikalɛ sa tun ko, ‘Mɔgɛ do ye wo tɛma yan tɔ, kilandɔgɔtore min na? Ni wo tigi ye wo tɛma, a ni ta a warɛ. Ni wo tigi tara wo fɛ kɛlɛ rɔ, a si a ma, a ta-nyɔgɛnu ni kilan.’

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.

Yasowa 14:8

Mabɛ n ta-nyɔgɛ minnu tara, wonu ko ma ti mɔgɛ wonu nɔ. Wonu ya a ma, Isirɛla mɔgɛnu kilanta. Kɔnɔ male ya Marila kumɛ bira.

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!

Yasowa 7:5

ka dabira tarɛ dɛ ma ha ka ke fara-gbaran ma. Anu bi yigila kɔnkɛ la tumɛ min, anu ya mɔgɔ bi-sawa ani mɔgɔ wɔrɔ (36) faga. Isirɛla mɔgɛnu yisi tinyanta kilan bolo.

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.

Lankɛnimayɛ 6:16

Anu ya anu kuli mayɛlɛ kɔnkɛnu anubɛ farɛnu ye ko, “Wo ni bui ma kuma ka ma dogon alako min siginɛ mansaya-sigi-fan rɔ, wo kana na ma yen. Wo ni ma bɔ ale saga-danta diminyɛ kɔrɔ,