Yasowa 19:35 - ALLALA KUMƐ

³⁵ Tarɛ mininɛ soe minnu ma anuna nyamanɛ rɔ, wo le kɛ donu na, Sidim, Su, Ham-Mati, Rakati, Sinɛrɛti,

Yasowa 19:35 ပူးပေါင်းရင်းမြစ်များ

Ko-Dabirɛnu 10:18

Arifadinu wo, Sɛmaranu wo, anubɛ Hamatinu. Wo kɔma, Kenan kegeyɛnu tanyɛnsɛnta.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.

Maraka 6:53

Anu ya dalɛ tɛgɛ ka na Kɛnɛsarɛti soe burɔ. Anu ya kulɔn kiri nyɔ.

Tɔn-Fɔɛ-Fila-Nyɔgɛ 3:17

Bɔnsɔn filɛ anubɛ a talɛ dan min tara tele-yigi wara la, wo dan le Yorodan bɛ la ka a fɔlɔ Kalili dalɛ ma ha ka ta ke Dalɛ Faganɛ ma ha ka ta ke Pisiga kɔnkɛ kɔrɔ.

Yasowa 13:27

Bɛti-Haram wo, Bɛti-Nimira wo, Sukɔti wo, Sefon minnu bi Yorodan bɛ dafɛ wo, soe wo bɛɛsi mara anutɛ la. Yorodan bɛ mara Kadita nyamani-dan la tele-yigi wara la ha ka ke Kalili dalɛ ma.

Yasowa 19:34

Ka a dabira tun Hilɛfi soe ma, dan wo le tara tele-yigi wara la ha ka ke Asanoti-Tebɔ soe ma ha ka ta ke Hulɔku soe ma. A ya a labila Sɛbulɔnta nyamanɛ ma dugu la anubɛ Asɛrata nyamanɛ tele yigi. A ya a labila tun Yorodan bɛ ma tele-bɔɛ wara la.

Yasowa 19:36

Adama, Rema, Hesɔ,

Yasowa 20:7

Anu ya lakisi-soe minnu yabɔ tele-yigi wara la mɔgɛ si kisi kan min, wo le Kidɛsi la, Nafatalita kɔnkɔ-nyamanɛ rɔ anubɛ Sɛkɛm min bi Ifɛrɛmta kɔnkɔ-nyamanɛ rɔ anubɛ Hiburɔn min bi Yudata nyamanɛ rɔ.

Yasowa 21:32

So-kun sawɛ minnu tora anu ye Nafatalita nyamanɛ rɔ, wo le kɛnu na, Kidɛsi min bi Kalili nyamanɛ rɔ wo (lakisi-soe le wo la) Ham-Mati wo, Dɔɔ wo, anubɛ Karatan.

Kɛlɛ-Kurugbɛnu 4:6

Lunyɛ do, a ya Abinowamta den Bɛraki kele min siginɛ Kidɛsi soe burɔ Nafatalita nyamanɛ rɔ. Bɛraki nanɛ a wara, a ya a fɔ a ye ko, “Isirɛla mɔgɛnuta Mari Alla le ya kumɛ kɛ di n ma ka a fɔ i ye, a ko i ni kei waga tan (10,000) bi Nafatali bɔnsɔn anubɛ Sɛbulɔn bɔnsɔn rɔ. A ko i ni wonu bi ka yɛlɛ anu na Tebɔ kɔnkɛ kuma.