Yasowa 19:18 - ALLALA KUMƐ

^18-23 Anu ya so-kun tan-ni-wɔrɔ sɔrɔn ka wo sa a dafɛ-so-mɛsɛnu kuma. So tan-ni-wɔrɔ wo do le kɛnu na, Yɛsɛreli, Kɛsuloti, Sunam, Hafarayim, Saiyon, Aneharati, Rabiti, Kisiyɔn, Abɛsi, Rɛmɛti, Ɛnganim, Ɛnhada, anubɛ Bɛti-Pasɛsi. Kantɔ-dan ya a dabira Tebɔ kɔnkɛ ma ka yigi ha Sehasaima anubɛ Bɛti-Simɛsi soenu ka ta dan Yorodan bɛ la tele bɔɛ.

Yasowa 19:18 ပူးပေါင်းရင်းမြစ်များ

2 Samuwɛli 2:9

Abina ya wo ma mansɛ la ka a sigi Isirɛla nyamanɛ bɛɛ kun na, katarala Kaliyadi anubɛ Asɛra anubɛ Yɛsɛreli anubɛ Ifɛrɛm anubɛ Bɛnyamɛ nyamanɛnu ma.

1 Mansɛnu 1:3

Anu ya anu yɛ lakalan Isirɛla nyamanɛ bɛɛ rɔ ka dunmusu-kinyanɛ do nyini ale mansɛ ye. Anu ya Sunam kɛ, Abisagi yen min mafɛlɛn di kati! Musi wo mara mansɛ fɛ-biralɛ la ka wɔlɛ kɛ a ye. A tora mansɛ fɛ kɔnɔ mansɛ ma a ma ala musi la.

1 Mansɛnu 2:17

Nba, Adonaya ko, “I yandi, i ni kuma Mansa Silamɛni ye kamasɔrɔn a ti a ban ile bolo. Abisagi min bɔra Sunam soe burɔ, a ni wo di n ma. N ni a ma nna musi la.”

1 Mansɛnu 2:21

Wo le ya a ma, a na ya a fɔ a ye ko, “I ni Sunam kɛ Abisagi di i kɔrɔ Adonaya ma. A ni a ma ala musi la.”

1 Mansɛnu 21:1

Kei do ye nyɔ, a tɔgɛ le Nebɔti. Nɔnbɔ-gbɔ-sɛnɛ ye a bolo Mansa Ehabula bolɔn dafɛ Yɛsɛreli soe dafɛ.

2 Mansɛnu 4:12

A ya ala wɔli-kɛlɛ Kɛhasi kele ko a ni ta ala sundan-yiya-tigi-musi wo kele. Musi wo nanɛ,

2 Mansɛnu 4:8

Lunyɛ do, Nɛbi Ilaisa tara Sunam soe burɔ. Musu-nɔnfulu-tigi do siginɛ soe wo burɔ. Musi wo ya Nɛbi Ilaisa kele fen dɔn tinɛ. Ka a bi wulɔn ma ha a mɛra gbɛ, a wa ta nyɔ tuma-wo-tuma, a si fen-dɔn-kɛ musi wo warɛ.

2 Mansɛnu 8:29

A sɛgira a kɔma Yɛsɛreli soe burɔ ka ala tɛlɛnu dandan. Yuda Mansa Ehasaya tara a kɔndɔn tinɛ nyɔ.

2 Mansɛnu 9:30

Wo kɔma, Mansa Yehu wulita ka ta Yɛsɛreli soe burɔ. Mansa Ehabula kɛɛ-musi Yɛsɛbɛli wo ya a lamɔɛn min kɛ ko Mansa Yehu min ya ala dan faga, wo ara na, a ya a ya-siyi lafin ka a kunyɛ rabɔ. A ya a sɔ mansɛla bolɔn wundan la ka a yɛ layigi kilɛ ma.

Yasowa 15:56

Yɛsɛreli, Yɔkadeyam, Sanowa,

Yasowa 17:16

Yusufu bɔnsɔn ya a fɔ a ye ko, “Mata kɔnkɔ-nyamanɛ kɛ ma kolo. Ma ti kun yan, ado ma kilannɛ Kenan mɔgɛnu na minnu bi Yorodan bɛ fɛ bawo nɛgɛ-kirindinu bi anu bolo. Donu bi wonu bolo minnu siginɛ Bɛti-San soe burɔ anubɛ a dafɛ-so-mɛsɛnu fanan. Hali minnu bi Yɛsɛreli lɛɛ rɔ, donu bi wonu fanan bolo.”

Yasowa 19:17

Bɔnsɔn min mara a nani nyɔgɛ la ka ata nyamanɛ sɔrɔn, wo le Isakari bɔnsɔn-mɔgɛnu na.

1 Samuwɛli 28:4

Filisitinuna kɛlɛ-dannu ya anu daga makɛ Sunam soe dafɛ. Mansa Sɔli ya ata kɛlɛ-dannu Isirɛla mɔgɛnu fanan kundɛn ka anu daga makɛ Kilabowa kɔnkɛ kɔrɔ.