Yasowa 18:16 - ALLALA KUMƐ

¹⁶ Dan wo le yigira tun kɔnkɛ kɔrɔ min yɛ layiginɛ Hinom lɛɛ ma min bi Rɛfayim folo-kunyɛ la. Ka bɔ nyɔ, a tara dugu la ka tenbi Hinom lɛɛ la ka ta ke kɔnkɔ-bolɔn do ma min bi Yerusalɛm soe kantɔ ha ka ta ke Ɛnrogɛli tenke ma.

Yasowa 18:16 ပူးပေါင်းရင်းမြစ်များ

2 Samuwɛli 17:17

Kɔnɔ wo ya a taran, Abiyatarila den Yonatan wo anubɛ Sedokila den Ahimahasi dogonnɛ Ɛnrogɛli tenke dafɛ Yerusalɛm soe kɔma bawo a ma di anu ye mɔgɔ ni anu yen donna soe burɔ. Yɔɔn-sunkurɔn do ye nyɔ nun, wo le si to ta-ni-sɛgi kɛla anu tɛma alako koe minnu ba tenbi soe, anu denu ni wo lɔn yi wo dafɛ nyɔ. Wo kɔma, anu burimatoe si ta wo fɔ Mansa Dawuda ye.

2 Samuwɛli 5:18

Filisiti kɛlɛ-dan wonu tara Rɛfayim lɛɛ bira-a-la ka anu daga makɛ nyɔ.

1 Mansɛnu 1:9

Lun kelen, Adonaya ya sagɛnu anubɛ ninkinu anubɛ ninki-bulan-tɔlɔnɛnu ma sarakɛ la kuri do kuma min tɔgɛ Duguma-Fen-Kuri. Kuri wo sɔnɛ Ɛnrogɛli tenke dafɛ. Ale Adonaya ya a dɔgɛnu kele anubɛ mɔgɔ-ba min bɛɛ ye Yuda bɔnsɔn nyamanɛ rɔ alako anu bɛɛ ni bɛn saraka-bɔɛ wo rɔ.

2 Mansɛnu 23:10

Alla-batobɛlɛnuna kɔ tinɛ min tɔgɛ Tofɛti, ale Mansa Yosaya tara wo latinya Hinom lɛɛ rɔ. A ya wo ma alako mɔgɛnu kana na anuna dannu mintan anuna bɛsi Molɛki ye nyɔ.

1 Ko-Kɔrɔta-Karan 14:9

Filisiti kɛlɛ-dan wonu tara Rɛfayim lɛɛ bira-a-la ka nyɔ-mɔgɛnuna bolo-fannu bi anu bolo.

2 Ko-Kɔrɔta-Karan 28:3

A ya sarakɛnu bɔ Hinom lɛɛ rɔ. A ya a halala-den-keinu mintan sarakayɛ la bɛsɛnu ye. Wo le ya a ma, Mari ya mɔgɛ minnu gben nyamanɛ wo rɔ nyɔ nun, wonu taranta milibɛlitaya-koe kɛ sufa mala nun.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Yɛrɛmaya 19:11

N bara a ratii min kɛ, n ni a fɔ ko Mari Sɛnbɛ-Bɛɛ-Tigi ko a ye soe kɛnubɛ a nyamanɛ toe kɛ ratiila ka le, ado mɔgɔ ti ke a tugunna a nyɔgɔn na tun. Mɔgɛnu si furinu togon hali Tofɛti bɛsi-kɔ-tinɛ kɛ rɔ. Anu si furinu togon ha, hali dugu-sibiri-kundi ti to.

Yɛrɛmaya 19:6

Mari ko wo ni a ma wo fɛrɛma. Tumɛ ye nala mɔgɛnu ti bɛsi-kɔ-tinɛ kɛ kele ko Tofɛti. Anu ti yan kele tun ko Bɛn-Hinɔm lɛɛ. Anu si a kele ko Mɔgɛ-Faga-Lɛɛ.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yasowa 15:63

Kɔnɔ Yuda bɔnsɔn ma ke Yebusi kɛnu gbenna minnu siginɛ Yerusalɛm soe rɔ. Wonu siginɛ anu tɛma ha bi.

Yasowa 18:28

Sila, Ilɛfi, Yebusi (min tɔgɛ fanan Yerusalɛm), Kibiya, anubɛ Kiriyati-Yirɔm soe wonu fanan dira Bɛnyamɛ bɔnsɔn-mɔgɛnu ma. Wo damasi lakofunɛ so tan-ni-nani, anu dafɛ-so-nɛnu bɔnɛ a la.

Kɛlɛ-Kurugbɛnu 1:21

Kɔnɔ Yebusi minnu siginɛ Yerusalɛm soe burɔ Bɛnyamɛ bɔnsɔnta nyamanɛ rɔ, Bɛnyamɛ bɔnsɔn-mɔgɛnu ma wonu gben nyɔ. Yebusi wonubɛ Bɛnyamɛ bɔnsɔn-mɔgɛnu siginɛ nyɔ ka a bi wo wati ma ha kaka.

Kɛlɛ-Kurugbɛnu 1:8

Yuda bɔnsɔn kɛlɛ-dannu ya Yerusalɛm soe bira-a-la ka anu nɔ. Anu ya nyɔ-mɔgɛnu faga ka tɛ tugu soe wo la.

Kɛlɛ-Kurugbɛnu 19:10

Kɔnɔ sundan wo ma sɔn ki-koe ma nyɔ tun. Wo ya a fɛ-sigi-musi bi anubɛ ala wɔli-kɛlɛ anubɛ ala sofɛlɛ filɛ, kirikɛ ye anu kɔ tɛma. Anu tara. Anu tara furr! Anu bi kela Yɛbusinuna soe ma Yerusalɛm tumɛ min, suyi ara gbɛrɛn. Ala wɔli-kɛlɛ wo ko, “Ma ti ki Yɛbusinuna soe kɛ burɔ yan bi?”