Yasowa 18:12 - ALLALA KUMƐ

¹² Anuna dan ya a dabira Yorodan bɛ ma kantɔ ha ka ke kɔnkɔ-kerikerinya ma min bi Yɛrikɔ kantɔ. Wo le tara ha tele yigi ka tenbi kɔnkɔ-nyamanɛ la ha ka ke wulɛ ma Bɛti-Efɛn soe dafɛ.

Yasowa 18:12 ပူးပေါင်းရင်းမြစ်များ

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Yasowa 16:1

Nyamanɛ min dira Yusufula den Ifɛrɛm bɔnsɔn-mɔgɛnu ma, wonuna nyamanɛ-dan dabirara Yorodan bɛ ma dugu la tenkenu bi kan min Yɛrikɔ tele-bɔɛ wara la. Dan wo le tenbira Yɛrikɔ soe la ka tenbi wulɛ rɔ ha ka ke kɔnkɔ-nyamanɛ ma ha ka ta ke Bɛtɛli soe ma.

Yasowa 18:11

Bɔnsɔn-to wɔrɔnfilɛ min tora, Bɛnyamɛ bɔnsɔn-mɔgɛnu fɔlɔn ya anuta nyamanɛ sɔrɔn. Anuta nyamanɛ tora Yuda bɔnsɔn anubɛ Yusufula dan Ifɛrɛmta nyamanɛ tɛma.

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 3:16

Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.

Yasowa 6:1

Yɛrikɔ mɔgɛnu ya tarɛ dɛ latogon bawo anu kilannɛ Isirɛla mɔgɛnu na. Mɔgɔ-wo-mɔgɔ ma ke bɔla, mɔgɔ-wo-mɔgɔ ma ke donna.

Yasowa 7:2

Yasowa ya mɔgɛ donu nata Eyai ka bɔ Yɛrikɔ. Eyai soe ye Bɛtɛli soe tele-bɔɛ wara la. A ma fɛ-yan Bɛti-Efɛn soe la. Yasowa ya a fɔ mɔgɛ wonu ye ko, “Wo ta ka Eyai mafɛlɛn.” Anu tara wati min,

Yasowa 8:15

Yasowa anubɛ ala mɔgɛnu ya anu nyɛrɛ ma iko anu kilannɛ ka anu buri wulɛ wara la.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.