Yasowa 17:4 - ALLALA KUMƐ

⁴ Musi wonu tara Ɛliyasa, Yasowa anubɛ Isirɛla mɔgɔ-banu wara ka a fɔ anu ye ko, “Mari ya a fɔ Musa ye fɔlɔn ko a ni mata nyamanɛ di ma ma iko ma benba na-kelen-nyɔgɛnu bi a sɔrɔnna nya min.”

Yasowa 17:4 ပူးပေါင်းရင်းမြစ်များ

Yilan-Yilan Koe 27:1

Yusufu ya den-kei do sɔrɔn min tɔgɛ le Manasa. Manasa fanan ya den-kei do sɔrɔn min tɔgɔ Makiri. Wo fanan ya Kaliyadi sɔrɔn. Kaliyadi fanan ya Hifa sɔrɔn. Wo ya Silafihadi sɔrɔn. Silafihadi wo ma den-kei sɔrɔn fɔ dunmusi mɔgɔ loli pe. Wonu tɔgɛ le kɛnu na, Mala, Nowa, Hagila, Milaka, anubɛ Tirisa.

Yilan-Yilan Koe 27:4

A bɛnta, ma fa tɔgɛ ni tunu Isirɛla mɔgɛnu tɛma, wa? Wo yandi, wo ni kan tinɛ do di ma ma.”

Yilan-Yilan Koe 36:10

Silafihadila dunmusinu minnu tɔgɛ le Mala, Tirisa, Hagila, Milaka, anubɛ Nowa, anu ya a ma iko Mari ya a fɔ nya min. Bɛɛ tora a na-kelen-nyɔgɛ ye.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Yasowa 14:1

Yasowa anubɛ Saraka-Masɔla-Kun-Tigi-Wɛ Ɛliyasa anubɛ Isirɛla bɔnsɔn kebila-kun-tigi, wonu ya Kenan nyamanɛ fara Isirɛla mɔgɛnu tɛma ka le.

Yasowa 17:5

Manasa bɔnsɔn ya anuta nyamanɛ sɔrɔn Yorodan bɛ tɔnkɔn filɛ bɛɛ rɔ. Nyamanɛ min bi Kaliyadi anubɛ Basan nyamanɛnu tɔ Yorodan bɛ tele-bɔɛ wara la, wonu bɔnɛ a la, Manasata nyamanɛ min bi Yorodan bɛ tele yigi, wo talata sigi-tina tan la. Sigi-tina loli tora musi loli wonu ye. A to loli dira anu benba na-kelen-nyɔgɛnu ma iko Mari ya a fɔ Nɛbi Musa ye nya min nun.

Yasowa 21:1

Saraka-Masɔla Ɛliyasa wo, Yasowa wo, anubɛ Isirɛla bɔnsɔn kebila-kun-tiginu ya anu daga makɛ Sailo. Lifayi bɔnsɔn kebila-kun-tiginu tara kun-tiginu bara Sailo ka a fɔ anu ye ko, “Mari ya a fɔ Nɛbi Musa ye fɔlɔ nun ko ma si mata soenu sɔrɔn anubɛ mata kolo-fannu de-nyini-tinɛnu nyamanɛ kɛ rɔ.”