Yasowa 17:2 - ALLALA KUMƐ

² Wo le ya a ma, nyamanɛ min bi Yorodan bɛ kɔma tele-yigi wara la, nyɔ-soenu dira Manasala tolo-birɛ kɛnu ma anubɛ anuna kebilɛnu, Abiyɛsa, Helaki, Asirɛli, Sɛkɛm, Hifa, anubɛ Sɛmida. Yusufula kegeyɛ le kɛnu na, a keimɛnu, kɔni. Wo bɛɛ mara kebila-kunyɛnu na.

Yasowa 17:2 ပူးပေါင်းရင်းမြစ်များ

1 Ko-Kɔrɔta-Karan 7:18

Kaliyadi tirisan-musi Hamolɛkɛti ya den-kei mɔgɔ sawa sɔrɔn, Isɔdi wo, Abiyɛsa wo, anubɛ Mala.

Yasowa 17:1

Manasala den-kei-sarɛ Makiri ya dan do sɔrɔn min tɔgɛ Kaliyadi. Makiri wola kebilɛ ya Kaliyadi anubɛ Basan nyamanɛ sɔrɔn Yorodan bɛ kɔma tele-bɔɛ wara la bawo kɛlɛ-kurugbɛ le ale la nun.

Yasowa 17:3

Manasala tolo-birɛ Kaliyadila den Hifa, wola dan Silafihadi ma den-kei sɔrɔn, fɔ dunmusi mɔgɔ loli. Wonu tɔgɛ le kɛnu na, Mala, Nowa, Hagila, Milaka, anubɛ Tirisa.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

Kɛlɛ-Kurugbɛnu 8:2

Kidiyɔn ko, “Nde ya min ma, anubɛ wole ya min ma, mɔgɔ ti wonu sanka anu nyɔgɔn ma. Wole ara koe min ma, wo tenbira maletɛ la pirr!