Yasowa 17:11 - ALLALA KUMƐ

¹¹ Manasa ya soe donu sɔrɔn Isakari anubɛ Asɛrata nyamanɛnu tɔ. A ya soe minnu sɔrɔn, wo le kɛnu na, Bɛti-San, Ibiliyam, Dɔɔ min bi kɔgɔ-yi tina, Ɛndɔ, Teyanaka anubɛ Magidɔ ka wo sa anu dafɛ-so-nɛnu kuma.

Yasowa 17:11 ပူးပေါင်းရင်းမြစ်များ

2 Samuwɛli 21:12

a tara Mansa Sɔli anubɛ Yonatan kole bi tinɛ Yebɛsi kɛnu bolo Kaliyadi nyamanɛ rɔ. (Yaga, Filisitinu ya Mansa Sɔli anubɛ ala den Yonatan faga Kilabowa kɔnkɛ kuma tele min tɔ, anu tara anu furi dun Bɛti-San soe tɛma tele wo le nyɛrɛ rɔ. Yebɛsi kɛnu tara Mansa Sɔli anubɛ ala den Yonatan furi kankan Filisitinu ma ka na anu na anu barɛ.)

1 Mansɛnu 9:15

Mansa Silamɛni ya mɔgɛnu fɔrɔsɛ Mari Bato-Bɔn anubɛ a nyɛrɛta bolɔn sɔ tinɛ. Hali a ya mɔgɛnu fɔrɔsɛ ka lɛnbɛn-lɛnbɛnya-rasiginɛ rakɛ soe tele-bɔɛ wara la. Wo kɔma, a ya anu fɔrɔsɛ ka soe tarɛ sɔ. Hali tonbon sawɛ kɛ, Hesɔ wo, Magidɔ wo, anubɛ Kisari, a ya anu fɔrɔsɛ ka wonu sɔ a kurɛ la.

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

1 Ko-Kɔrɔta-Karan 6:70

Anu ya soe minnu sɔrɔn Manasa bɔnsɔn-talɛnu tɛma tele-yigi wara la, soe wonu tɔgɛ le kɛnu na, Aneri wo, Bailɛyam wo, anubɛ kolo-fen de-nyini tinɛ minnu bi nyɔnuna foolɛnu tɔ. Wo bɛɛ mara anu halalɛ la.

1 Ko-Kɔrɔta-Karan 7:29

Soe minnu mara Manasa bɔnsɔn halalɛ la, wonu tɔgɛ le kɛnu na, Bɛti-San wo, Teyanaka wo, Magidɔ wo, Dɔɔ wo, anubɛ so-mɛsɛ minnu bi wonuna foolɛnu tɔ. Soe minnu mara Yakobala den Yusufu bɔnsɔntɛ la, wo le wonu na.

2 Ko-Kɔrɔta-Karan 35:22

Kɔnɔ Mansa Yosaya yisi sɔnɛ a kɛlɛ-koe la sokesoke! Mansa Niko ara Allata kumɛ min fɔ a ye wo la, ale Mansa Yosaya ma a wɔlɔ matɔlɔ wo la. A ya a nyɛrɛ mayɛlɛma ka ta Niko kɛlɛ tinɛ Magidɔ lɛɛ rɔ.

Yaburi 83:10

I ya anu nɔ Ɛndɔ soe burɔ. Anu furi tulunta dugi ma nyɔ.

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Sakaraya 12:11

Wo wati wa ke, a ko anu si di Yerusalɛm soe burɔ iko anu ya a ma nya min Hedadi-Rimɔn soe burɔ Magidɔ lɛɛ rɔ.

Yasowa 16:9

Ifɛrɛm bɔnsɔn ya soe donu sɔrɔn Manasa bɔnsɔn-talɛta nyamanɛ rɔ min bi Yorodan bɛ tele-yigi wara la.

Yasowa 17:10

Ifɛrɛmna nyamanɛ tora Kena yi dugu la. Manasatɛ tora kantɔ ka ta a labɔ kɔgɔ-yi ma. Manasala nyamanɛ kantɔ-dan ya a labila Isakarila nyamanɛ ma tele-bɔɛ wara la anubɛ Asɛrata nyamanɛ ma tele-yigi wara la.

Yasowa 17:16

Yusufu bɔnsɔn ya a fɔ a ye ko, “Mata kɔnkɔ-nyamanɛ kɛ ma kolo. Ma ti kun yan, ado ma kilannɛ Kenan mɔgɛnu na minnu bi Yorodan bɛ fɛ bawo nɛgɛ-kirindinu bi anu bolo. Donu bi wonu bolo minnu siginɛ Bɛti-San soe burɔ anubɛ a dafɛ-so-mɛsɛnu fanan. Hali minnu bi Yɛsɛreli lɛɛ rɔ, donu bi wonu fanan bolo.”

Kɛlɛ-Kurugbɛnu 1:27

Manasa bɔnsɔn ma so-kun loli mɔgɛnu gben, Bɛti-San soe wo, Teyanaka soe wo, Dɔɔ soe wo, Ibiliyam soe wo, Magidɔ soe wo, anubɛ anu dafɛ-so-mɛsɛnɛnu. Kenan kɛnu sigini tora nyɔ

Kɛlɛ-Kurugbɛnu 5:19

“Kenan mansɛnu nara ma kɛlɛ yi do dafɛ min bi Teyanaka soe anubɛ Magidɔ soe tɛma kɔnɔ anu ma ke tala mala nɔnfuli fenfen na anu bolo.

1 Samuwɛli 28:7

Mansa Sɔli ya a fɔ ala mɔgɔ-banu ye ko, “Wo ni musi do nyini n ye min si yi-kɔrɔ-fɛlan kɛ. N ni ta wo manyinika.” Anu ya a fɔ ko, “Musi do ye Ɛndɔ soe burɔ. Wo si yi-kɔrɔ-fɛlan kɛ le.”

1 Samuwɛli 31:10

Anu ya ala kɛlɛ-miran wonu sa anuna bɛsi Asitɔra kɔ tinɛ. Anu ya anubɛ ala furi gbangban dandan ma Bɛti-San soe burɔ.

1 Samuwɛli 31:12

wonuna kɛlɛ-kurugbɛ minnu kerinte, wonu kira tagamana ka ta Bɛti-San soe burɔ. Anu tara Sɔli anubɛ ala dannu bi dandan wo ma nyɔ ka ta anu na anu bolo anu barɛ Yebɛsi soe burɔ. Anu ya anu furinu mintan nyɔ.