Yasowa 17:1 - ALLALA KUMƐ

¹ Manasala den-kei-sarɛ Makiri ya dan do sɔrɔn min tɔgɛ Kaliyadi. Makiri wola kebilɛ ya Kaliyadi anubɛ Basan nyamanɛ sɔrɔn Yorodan bɛ kɔma tele-bɔɛ wara la bawo kɛlɛ-kurugbɛ le ale la nun.

Yasowa 17:1 ပူးပေါင်းရင်းမြစ်များ

Ko-Dabirɛnu 41:51

A fɔlɔtɛ sɔrɔnta tumɛ min, Yusufu ko, “Alla ara a ma, n fala denbayɛnu ya koe min ma anubɛ nta tɔrɔyɛ, n bara nyina wonu ko. Woletɔ nna den-kei-sarɛ kɛ tɔgɛ le Manasa bawo tɔgɛ wo kɔrɛ le iko mɔgɔ wa a fɔ ko, ‘Ka nyina.’ ”

Ko-Dabirɛnu 41:52

Den-kei fila nyɔgɛ sɔrɔnnɛ, Yusufu ko, “Alla ara a ma, n bara yiri tɔrɔya-nyamanɛ kɛ rɔ.” Woletɔ a ya dan wo tɔgɔ sa Ifɛrɛm bawo tɔgɛ wo kɔrɛ le iko mɔgɔ wa a fɔ ko, “Yiri.”

Ko-Dabirɛnu 46:20

Wo tumɛ Yakobala den Yusufu ye Iyipiti, ala musi Asɛnati ya den-kei mɔgɔ fila sɔrɔn a ye, Manasa anubɛ Ifɛrɛm. Pɔtifɛra min bi saraka-masɔ-wɔli kɛla Iyipiti bɛsɛnu ye Hɛliyapɔlisi soe burɔ, wola den-sɔrɔnnɛ le Asɛnati wo la.

Ko-Dabirɛnu 48:17

Yusufu ya a yen tumɛ min ko a fa ara a bolo-nyimɛ sa den-kei-dɔgɔmɛ kuma, wo ma diya a ye mumɛ! A ya a fa bole bɔ Ifɛrɛm kuma ka a sa Manasa kuma.

Ko-Dabirɛnu 48:18

Yusufu ya a fɔ a fa ye ko, “N fa, a sa wo nya. Den-fɔlɔtɛ le Manasa la. I bolo-nyimɛ sa wo kuma.”

Ko-Dabirɛnu 50:23

Yusufu kɔrɔyara ha a ya a tolo-birɛnu yen, ala den-keinu Ifɛrɛm anubɛ Manasa mamanɛnu, kɔni. Hali ala dan Manasata den Makiri, a ya wota dan yen a yɛ la.

2 Samuwɛli 2:9

Abina ya wo ma mansɛ la ka a sigi Isirɛla nyamanɛ bɛɛ kun na, katarala Kaliyadi anubɛ Asɛra anubɛ Yɛsɛreli anubɛ Ifɛrɛm anubɛ Bɛnyamɛ nyamanɛnu ma.

1 Ko-Kɔrɔta-Karan 2:23

Kesa kɛnu wo, Aram kɛnu wo, wonu ya so-kun bi-wɔrɔ bi Kaliyadi nyamanɛ rɔ. Yeya soe wo, Kinati soe wo, anubɛ so-mɛsɛ minnu bi anuna foolɛnu tɔ, wonu bi so bi-wɔrɛ kɛnu denu tɔ. Mɔgɛ minnu bɛɛsi ye so-kun bi-wɔrɛ kɛnu tɔ, wonu benba le Makiri la, Kaliyadi fa, kɔni.

Isikiyɛli 47:13

Ma Tigi Mari ko, “Dugi min bi talala wole Isirɛla bɔnsɔn tan-ni-filɛ tɛma, wo dan le kɛnu na, ado Yusufu bɔnsɔn ye kan-tina fila le sɔrɔnna nyamanɛ kɛ rɔ.

Yilan-Yilan Koe 26:29

Manasa fanan ya den-kei mɔgɔ fila sɔrɔn, Makiri anubɛ Asirɛli. Makiri fanan ya Kaliyadi sɔrɔn. Kaliyadi fanan ya den-kei mɔgɔ wɔrɔ sɔrɔn. Wonu tɔgɛ le kɛnu na, Iyasa, Helaki, Asirɛli, Sɛkɛm, Sɛmida, anubɛ Hifa. Manasa bɔnsɔn bɛnta mɔgɔ waga bi-loli mɔgɔ waga fila ani mɔgɔ kɛmɛ wɔrɔnfila (52,700) ma. Kaliyadila dan Hifa, wo fanan ya den-kei filasɔrɔn. Den kei filɛ kɛ, mɔgɔ kelen, anu bi a fɔla min ma ko Silafihadi, wole ya dunmusu mɔgɔ loli sɔrɔn. Wonu tɔgɛ le kɛnu na, Mala, Nowa, Hagila, Milaka, anubɛ Tirisa.

Yilan-Yilan Koe 27:1

Yusufu ya den-kei do sɔrɔn min tɔgɛ le Manasa. Manasa fanan ya den-kei do sɔrɔn min tɔgɔ Makiri. Wo fanan ya Kaliyadi sɔrɔn. Kaliyadi fanan ya Hifa sɔrɔn. Wo ya Silafihadi sɔrɔn. Silafihadi wo ma den-kei sɔrɔn fɔ dunmusi mɔgɔ loli pe. Wonu tɔgɛ le kɛnu na, Mala, Nowa, Hagila, Milaka, anubɛ Tirisa.

Yilan-Yilan Koe 32:33

Amora Mansɛ Saihɔnta nyamanɛ wo anubɛ Basan Mansɛ Ɔkuta nyamanɛ wo, Musa ya wonu bi ka anu di Manasa bɔnsɔn tɔnkɔn kelan ma anubɛ Kadi bɔnsɔn anubɛ Rubɛn bɔnsɔn ma. Anu ya soe wonu bi nyamanɛ wo rɔ ka wonu ma anutɛ la.

Tɔn-Fɔɛ-Fila-Nyɔgɛ 21:17

A si fan min di den-kei-doi wo ma, a ni wo nyɔgɔn fila di sarɛ ma hali a ma ma bara-musila dan la. Fɔ kei wo ni ala den-kei-sarɛ gbiliya. A bɛnta, wo ni min sɔrɔn, a ni wo di wo ma. Sarɛ wo le si a fala keiyɛ labɔ gbɛ rɔ.”

Yasowa 17:2

Wo le ya a ma, nyamanɛ min bi Yorodan bɛ kɔma tele-yigi wara la, nyɔ-soenu dira Manasala tolo-birɛ kɛnu ma anubɛ anuna kebilɛnu, Abiyɛsa, Helaki, Asirɛli, Sɛkɛm, Hifa, anubɛ Sɛmida. Yusufula kegeyɛ le kɛnu na, a keimɛnu, kɔni. Wo bɛɛ mara kebila-kunyɛnu na.

Yasowa 22:7

A ya a fɔ anu ye ko, “Wo nɔnfulu-tigi le ye tala gbɛ wo warɛ bawo wo ya fen-siyaman sɔrɔn wo yogenu na, kolo-fan wo, wodi-gbɛ wo, sɛnɛ wo, nɛgɛ wo, silɛɛ wo, anubɛ kura-siyaman. Wo ta a tala wobɛ wo na-kelen-nyɔgɛnu tɛma.”

Kɛlɛ-Kurugbɛnu 5:14

Kɛlɛ-dannu nara ka bɔ Ifɛrɛm bɔnsɔn rɔ ka na ke lɛɛ rɔ kɛlɛ-kɛ-tinɛ. Bɛnyamɛ bɔnsɔn fanan sɔnɛ anu yarɔ. Kɛlɛ-den-kunyɛnu anubɛ anuna kɛlɛ-dannu bɔra Manasala den Makiri anubɛ Sɛbulɔn bɔnsɔnnu tɔ.