Yasowa 16:3 - ALLALA KUMƐ

³ Dan wo le tara ha tele-yigi wara la Yefɛleti mɔgɛnu bi kan min ha ka ke Bɛti-Hɔrɔn soe ma min bi kɔnkɛ kɔrɔ. Ka bɔ nyɔ, dan wo le tara ha Kisari soe. Anuna dan kɛ mara kɔgɔ-yi la.

Yasowa 16:3 ပူးပေါင်းရင်းမြစ်များ

1 Ko-Kɔrɔta-Karan 20:4

Wati tenbinɛ, kɛlɛ do taranta Filisitinu anubɛ Isirɛla mɔgɛnu tɛma Kisari soe burɔ. Wati wo rɔ, Husayi kɛ Sibɛkayi ya Filisiti mɔgɔ-yan-bɛ do faga min tɔgɛ Sepeyai. Kɛ mara nkɛkuna, Isirɛla mɔgɛnu ya Filisitinu nɔ.

1 Ko-Kɔrɔta-Karan 7:24

Ifɛrɛm wo ya dunmusi sɔrɔn min tɔgɛ Sira. Bɛti-Hɔrɔn min bi kɔnkɛ kuma wo, Bɛti-Hɔrɔn min bi kɔnkɛ kɔrɔ wo, anubɛ Yusɛn-Sira, ale Sira wo le ya so sawɛ wonu datɛgɛ.

1 Ko-Kɔrɔta-Karan 7:28

Ifɛrɛm mɔgɛnu ya anuta dugi min sɔrɔn, Bɛtɛli soe ye wo le tɔ anubɛ so-mɛsɛ minnu bi wola foolɛ rɔ. Anuta dugi wo le tara tele-bɔɛ wara la fɔɔ Neyaran soe dafɛ. Anuna dugi wo le yigira tun tele-yigi wara la fɔɔ Kisari soe anubɛ so-mɛsɛ minnu bi wola foolɛ rɔ. Sɛkɛm soe anubɛ Ayaya soe anubɛ so-mɛsɛ minnu bi wonuna foolɛnu tɔ, wonu bi anuna dugi wo le tɔ.

2 Ko-Kɔrɔta-Karan 8:5

Bɛti-Hɔrɔn min bi kɔnkɛ kuma wo, Bɛti-Hɔrɔn min bi kɔnkɛ kɔrɔ wo, ale mansɛ ya wonu sɔ-kurɛ-kɛ tun. Tarɛ mininɛ so filɛ wonu ma, ado tara-dɛ wonu tasɔgɔ-kɔnnu bi nyɔ.

Yilan-Yilan Koe 34:6

Wola nyamani-dan si ma Mɛdetereniyan kɔgɔ-yi la tele-yigi wara la.

Yasowa 10:33

Anu bi Lesi mɔgɛnu kɛlɛla tumɛ min, Mansa Horam min bi Kisari, wo nara ka Lesi mɔgɛnu dɛnbɛ kɛlɛ kɛla kɔnɔ Yasowa anubɛ ala kɛlɛ-dannu ya mɔgɛ bɛɛsi faga. Anu fenfen ma to anu niyi la.

Yasowa 18:13

Ka bɔ nyɔ, dan wo le tara fanan ka ke kɔnkɔ-kerikerinya ma min bi Lusi soe dugu la (min tɔgɛ fanan Bɛtɛli). A yigira a ma ka ta ke ha Ataroti-Ada soe ma min bi kɔnkɛ kuma Bɛti-Hɔrɔn soe dafɛ.

1 Samuwɛli 13:18

Sigi tina kelan doi tara Bɛti-Hɔrɔn soe wara la. Sigi tina kelan toe tara furr, fɔɔ Filisitinuna dan la min bi a yɛ layigila Sebom lɛɛ ma wulɛ dafɛ.