Yasowa 16:2 - ALLALA KUMƐ

² Ka bɔ nyɔ, dan wo le tara ha Lusi soe ka tenbi nyɔ ha Ataroti-Ada soe ma Araka mɔgɛnu bi kan min.

Yasowa 16:2 ပူးပေါင်းရင်းမြစ်များ

Ko-Dabirɛnu 28:19

A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.

2 Samuwɛli 15:32

Mansa Dawuda ke Alla bato tinɛ do ma kɔnkɛ wo kun tɛma, a diyana-mɔgɔ-bɛrɛbɛrɛ Araka soe kɛ Husayi, wo ya a taran nyɔ. Wo ye kela a ma tumɛ min, ala duruki rafaranɛ, gbangban ye a kunyɛ rɔ.

2 Samuwɛli 15:37

Mansa Dawuda diyana-mɔgɛ Husayi sɛgira tumɛ min, anubɛ Abasalɔm ya anu nyɔgɔn bɛn soe burɔ.

2 Samuwɛli 16:16

Mansa Dawuda diyana-mɔgɛ Husayi ya Abasalɔm yen tumɛ min, a ya a kan nabɔ, a ko, “Alamɛ mala mansɛ mɛra! Alamɛ mala mansɛ mɛra!”

1 Ko-Kɔrɔta-Karan 27:33

Mansɛ makawandilɛ do le ale Ahitafɛli fanan na. Mansɛ diyana-mɔgɛ anubɛ a hɛnkili-kɔlɛ le Husayi la min bɔra Araka soe burɔ.

1 Ko-Kɔrɔta-Karan 7:28

Ifɛrɛm mɔgɛnu ya anuta dugi min sɔrɔn, Bɛtɛli soe ye wo le tɔ anubɛ so-mɛsɛ minnu bi wola foolɛ rɔ. Anuta dugi wo le tara tele-bɔɛ wara la fɔɔ Neyaran soe dafɛ. Anuna dugi wo le yigira tun tele-yigi wara la fɔɔ Kisari soe anubɛ so-mɛsɛ minnu bi wola foolɛ rɔ. Sɛkɛm soe anubɛ Ayaya soe anubɛ so-mɛsɛ minnu bi wonuna foolɛnu tɔ, wonu bi anuna dugi wo le tɔ.

Yasowa 18:13

Ka bɔ nyɔ, dan wo le tara fanan ka ke kɔnkɔ-kerikerinya ma min bi Lusi soe dugu la (min tɔgɛ fanan Bɛtɛli). A yigira a ma ka ta ke ha Ataroti-Ada soe ma min bi kɔnkɛ kuma Bɛti-Hɔrɔn soe dafɛ.