Yasowa 15:7 - ALLALA KUMƐ

⁷ ka ke Nanparan fole ma ka yɛlɛ ha Diba soe ha ka ta ke Kɛlailoti kantɔ min yɛ lamununnɛ Adumim don-dɛ la Nanparan fole dugu la. Wo kɔma, dan wo tara ha ka ke Ɛnsimɛsi tenke ma ka bɔ Ɛnrogɛli soe ma

Yasowa 15:7 ပူးပေါင်းရင်းမြစ်များ

2 Samuwɛli 17:17

Kɔnɔ wo ya a taran, Abiyatarila den Yonatan wo anubɛ Sedokila den Ahimahasi dogonnɛ Ɛnrogɛli tenke dafɛ Yerusalɛm soe kɔma bawo a ma di anu ye mɔgɔ ni anu yen donna soe burɔ. Yɔɔn-sunkurɔn do ye nyɔ nun, wo le si to ta-ni-sɛgi kɛla anu tɛma alako koe minnu ba tenbi soe, anu denu ni wo lɔn yi wo dafɛ nyɔ. Wo kɔma, anu burimatoe si ta wo fɔ Mansa Dawuda ye.

1 Mansɛnu 1:9

Lun kelen, Adonaya ya sagɛnu anubɛ ninkinu anubɛ ninki-bulan-tɔlɔnɛnu ma sarakɛ la kuri do kuma min tɔgɛ Duguma-Fen-Kuri. Kuri wo sɔnɛ Ɛnrogɛli tenke dafɛ. Ale Adonaya ya a dɔgɛnu kele anubɛ mɔgɔ-ba min bɛɛ ye Yuda bɔnsɔn nyamanɛ rɔ alako anu bɛɛ ni bɛn saraka-bɔɛ wo rɔ.

Aiseya 65:10

Wo kɔma, a ko Sarɔn lɛɛ si ma sagɛnu de-nyini tinɛ la. Ekan lɛɛ si ma ninkinu daga makɛ tinɛ la. Mɔgɛ minnu bi bilala ale Mari fɛ, ninki wonu si ma wonu halalɛ la.

Yasowa 10:43

Kɛlɛ kɛ bɛɛ banta tumɛ min, Yasowa anubɛ ala kɛlɛ-dannu bɛɛsi sɛgira Kiligali.

Yasowa 15:15

Wo kɔma, a tara Diba mɔgɛnu gben. (Diba soe kɛ tɔgɛ le nun Sifa.)

Yasowa 15:6

wo le tara fanan ha ka ke Bɛti-Hɔgala soe ma. Wo le tara ha kantɔ ka ke kɔnkɔ-bolɔn do ma min yɛ layiginɛ Yorodan-ba-lɛɛ ma. Wo le tara tun fanan ha ka ke Bohan kuru-gbui ma (Bohan, Rubɛnna dan le wo la min tɔgɛ sara kuru-gbui wo kuma),

Yasowa 18:17

Dan wo le tara kantɔ Ɛnsimɛsi tenke wara la ka ta ke Kɛlailoti soe ma min bi Adumim kɔnkɔ gbɛrɛn kilɛ kan kɔma. Dan wo le yigira tun ha Bohan kuru-gbui ma (Bohan, Rubɛnla dan le wo la min tɔgɛ sara kuru-gbui wo kuma).

Yasowa 4:19

Kabana-koe kɛ bɛɛ mara anuta karɛ fɔlɛ, a tele tan ma. Karɛ wo tele tan nyɛrɛ ma, Isirɛla mɔgɛ bɛɛ ya Yorodan bɛ tɛgɛ. Anu ya anu daga makɛ kan min, anu ya wo tɔgɔ sa Kiligali, tele-yigi wara la Yɛrikɔ dafɛ.

Yasowa 7:24

Ale Ekan wo, duruki wo, sɛnɛ wo, wodi-gbɛ wo, ala dannu wo, ala ninkinu wo, ala sofɛlɛnu wo, ala sagɛnu wo, ala fani-bon wo, anubɛ min bɛɛsi ye a bolo, Yasowa anubɛ Isirɛla mɔgɛ bɛɛ tara wo bɛɛ la Nanparan folo-wɛ la.

Yasowa 7:26

Anu ya kuru-kundinu nadɛn Ekan bugurɛ kuma. Wo ye nyɔ ha bi. Woletɔ ha bi, anu bi folo-wɛ wo kelela ko Nanparan fole.