Mirɛdi wo ya dunmusu kelen furu Yuda bɔnsɔn rɔ. Anubɛ wo ya den-kei mɔgɔ sawa sɔrɔn, Yirɛdi wo, Hibera wo, anubɛ Yɛkutiyɛli. Yirɛdi wo ya Kɛdɔ soe datɛgɛ. Hibera wo ya Soko soe datɛgɛ. Yɛkutiyɛli wo ya Sanowa soe datɛgɛ.
“Marasa soe wo tɔgɔ-kɔrɛ mani de iko ‘nɔlɛ.’ Wole Marasa soe-mɔgɛnu, Mari si wo yogenu nana wo kuma ka wo nɔ. Kun-tigi minnu bi Isirɛla nyamanɛ rɔ, faran minnu bi Adulam soe da kɔrɔ, wonu si ta anu dogon wo donu na.
Mari ya a ma, Amora mɔgɛnu kilanta bɛrɛkɛ ha anu kumakɔra. Woletɔ Isirɛla mɔgɛnu ya Amora mɔgɛ wonu siyaman faga Kibiyon soe rɔ. Isirɛla mɔgɛnu ya anu gben kilɛ la kɔnkɛnu tɔ Bɛti-Hɔrɔn soe dafɛ ha ka ke Asika soe ha Makida soe ma.
Mansa Sɛdiki min bi Yerusalɛm, wo ya kilayɛ lata mansɛ kɛnu ma, Hiburɔn mansɛ min tɔgɛ Hoham, Yaramuti mansɛ min tɔgɛ Piram, Lesi mansɛ min tɔgɛ Yafaya, anubɛ Ɛkilɔn mansɛ min tɔgɛ Debiri.
Filisitinu ya anu kundɛn Isirɛla mɔgɛnu kɛlɛ-koe la Soko soe burɔ Yuda nyamanɛ rɔ. Wo kɔma, anu tara anu daga makɛ kan tinɛ do rɔ min tɔgɛ Ifɛsi-Damin, Soko anubɛ Asika soenu tɛma.
Dawuda ya a buri ka bɔ Kati soe burɔ ka ta a dogon faran do la Adulam soe dafɛ. Dawuda na-kelen-nyɔgɛnu ya a lamɔɛn min kɛ ko a ara ta faran wo la nyɔ, anu tara kofu a ma nyɔ.
